Hamiləlik dövründə bunu edən anaların övladlarının burnu və çənəsi əyri olur - TƏDQİQAT

Burun kompleksi olan insanlar bu problemdə həm də valideynlərini günahlandıra bilər.

Sfera.az xəbər verir ki, "Human Reproduction" jurnalında dərc olunan məqaləyə görə, uşaqların üzlərindəki qüsurlar anaların qida və içki ilə davranışından da asılı ola bilir. Belə ki, Hollandiyanın Rotterdam şəhərindəki Erasmus Tibb Mərkəzində aparılan tədqiqat göstərib ki, anaları hamilə qalmadan əvvəl hər həftə az da olsa şərab qəbul etmiş uşaqların burun ucu və ya çənəsi əyilmiş olur. Ana olmaq istəyənlər isə hamiləllik dönəmində nə qədər çox içsələr, dəyişikliklər də bir o qədər çox özünü biruzə verir.

Tədqiqata rəhbərlik edən professor Gennadi Roşçupkin hamiləlik müddətində spirt qəbulunu sonladırmağın lazım olduğunu deyib:

 “Hamiləlik dövründə spirt istehlakının müəyyən edilmiş təhlükəsiz səviyyəsinin olmadığını vurğulamaq çox vacibdir. Həm ana, həm də inkişaf etməkdə olan döl üçün optimal sağlamlıq nəticələrini təmin etməyə görə, hamiləlikdən əvvəl spirt içməyi dayandırmaq məsləhətdir".

İnci