Rusiya prezidenti Vladimir Putinin keçmiş həyat yoldaşı Lyudmila Putina təcili olaraq İspaniyadakı daşınmaz əmlakından xilas olmaq istəyir.

Sfera.az bildirir ki, bir sıra KİV-in məlumatına görə, Lyudmila Ocheretnaya Aİ sanksiyalarına düşmək qorxusundan Lomas del Rey yaşayış kompleksində mənzilini satır.

KİV-in məlumatına görə, Lyudmila Ocheretnaya (keçmiş Putina) “Lomas del Rey” (İspaniyanın cənubundakı Marbella) yaşayış kompleksində iki mənzilə sahibdir.

Rəsmi olaraq 2,2 milyon avro dəyərində mənzilləri Lyudmilanın hazırkı əri Artur Oçeretnı alıb. Amma bir sıra media onun bu sövdələşmə üçün Putinin keçmiş həyat yoldaşının pulundan istifadə etdiyini irəli sürüb.

Daşınmaz əmlakın satışına səbəb Lyudmilanın daşınmaz əmlaka həbs qoyulmasını nəzərdə tutan Aİ sanksiyalarına düşmək qorxusu ola bilər.

Qeyd edək ki, “Lomas del Rey” eksklüziv Marbella Qızıl Mile daxilində, Puente Romano oteli ilə üzbəüz Kral Əbdüləziz məscidindən 1 dəqiqə və çimərlikdən 800 metr, Puerto Banus şəhərinin mərkəzindən və Marbella şəhər mərkəzindən cəmi 5 dəqiqəlik məsafədə yerləşir.

Yaşayış kompleksində 2 və 3 otaqlı mənzillər təklif olunur.


Ərazidə 25.000 m2 sahəsi olan mənzərəli bağlar və bir neçə hovuz var. Mənzillərin mərmər vanna otağında spa hamamları var; mətbəxlər Siemens texnikası ilə təchiz olunub, döşəmə qızdırıcısı da var, geniş terraslar açıq havada istirahət üçün idealdır. Kompleksdə gecə-gündüz mühafizə və texniki xidmət personalı var.

Lomas del Reydə bir mənzilin orta qiyməti 2.450.000 avrodur.

Xatırladaq ki, yanvarın 27-də Avropa İttifaqı Rusiya Federasiyasına qarşı iqtisadi sanksiyaların müddətini altı ay uzadıb. Rusiyaya qarşı ilk sanksiyalar 2014-cü ildə Krımı işğal edib Ukraynada müharibəyə başlayanda tətbiq edilib və 2022-ci ildə genişmiqyaslı işğaldan sonra genişlənib.

Aynil
Sfera.az