Bu illərdə doğulanlar sərvət sahibi olacaqlar - SİYAHI
Zəngin olmaq çoxlarının ən böyük arzularından biridir. Arzulara çatmaq üçün çox çalışmaq vacib olsa da, bəzi insanlar təbii olaraq bu mövzuda şanslıdırlar.
Çin astrologiyasına görə varlanmaq şansı ən yüksək olanlar doğum ili ilə müəyyən edilir. Belə ki, müxtəlif heyvanlar bürcləri təmsil edir və insanların şəxsi xüsusiyyətləri, şansları da buna uyğun olur.
Bütün bunlar nəzərə alındıqda aşağıdakı beş bürcün zəngin olma ehtimalı daha yüksəkdir:
DONUZ (1959, 1971, 1983, 1995, 2007, 2019, 2031)
Donuz "Çin bürcünün ən mübarək bürcü"dür, ona görə də çoxlu sərvət əldə etmək ehtimalı var. Həyata necə başlamağından asılı olmayaraq qayğısız yaşayırlar. Həyatdan həzz ala bilirlər və çox səy göstərmədən də pul qazanmaqda mahirdirlər. Ona görə də, ən zənginlər siyahısında asanlıqla yer ala bilərlər.
AT (1954, 1966, 1978, 1990, 2002, 2014, 2026)
Donuzdan fərqli olaraq, At işarəsi altında doğulanlar pul qazanmaq üçün "təşəbbüskar, yaradıcı" təbiətlərindən istifadə edirlər. Şəxsi biznesləri üçün çox çalışırlar. Atın öz motivasiyası - "geri çəkilmək istəməməsi" də onlara pul qazanma səyahətində kömək edir. Ancaq bütün bunlar onların bəxtinin gətirmədiyi anlamına gəlmir. Atlar “xüsusi bəxtlə” doğulurlar və fürsətlər çox vaxt onların qucağına düşür.
SİÇOVUL (SİÇAN) (1948, 1960, 1972, 1984, 1996, 2008, 2020)
Onların devizi belədir: “İradə olan yerdə yol da var”. Bu işarə altında dünyaya gələnlərin pul qazanma yolları ilə bağlı "qeyri-ənənəvi" ideyaları ola bilər, lakin öz həvəsləri və ehtirasları ilə bunu mütləq həyata keçirəcəklər. Siçovul, xüsusən də pulla bağlı bir şeyə qərar verdikdə, heç nə onu inanclarından vazkeçirə bilməz. Ailədə bu illərdə doğulmuş bir neçə şəxs varsa, həmin ailənin zəngin olma ehtimalı daha yüksəkdir.
İLAN (1953, 1965, 1977, 1989, 2001, 2013, 2025)
İlan pulu qiymətləndirir və onu necə qazanacağını bilir. Uğurlu karyera, şans və imkanları birləşdirir, beləliklə, zəngin bir həyatla təmin olunurlar. İlanlar, adətən ortaqlardan və əməkdaşlıqlardan faydalanır. Komanda ilə işləməyi bacarır, ancaq böyük miqdarda sərvəti adətən gözlənilmədən əldə edir.
MEYMUN (1956, 1968, 1980, 1992, 2004, 2016, 2028)
Onların həyatda varlanmaq üçün bir çox yolları olur. Asanlıqla bir addım öndə dayanır və pul qazanmaq fürsətlərindən istifadə edə bilirlər. Onlar üçün maddi qazanc əldə etmənin ağıllı üsullarından biri də güclü əlaqələr qurmaq, yaxşı dostlar qazanmaqdır. Çox sosialdırlar və "qartopu" effekti ilə əllərindəki maddi ehtiyyatları qısa zamanda çoxaltmağa qadirdirlər.
Lalə
Sfera.az
