İlon Mask hamıya meydan oxudu: “Bir il də gözləyin …” 

Məşhur iş adamı İlon Mask daha bir il “Twitter”i idarə edəcək.

Sfera.az xəbər verir ki, bu barədə o, özü açıqlama verib. 

Mask bildirib ki, bir il sonra vəzifəsini təhvil verəcək.

İş adamı bir il ərzində yeni alınan şirkətin rəhbərliyində qalacağını və işləri yoluna qoymadan onu yeni baş menecerə təhvil verməyəcəyini vurğulayıb. 

Dubayda keçirilən "Dünya Hökuməti Zirvəsi"nə video konfrans vasitəsilə qatılan Mask ilk olaraq “Twitter”i sabit və maliyyə cəhətdən sağlam görmək istədiyini deyib. 

“Tesla” və “SpaceX”in də sahibi olan 51 yaşlı iş adamı “Mən şirkətdəki təşkilatı işləri sabitləşdirməliyəm və maliyyə cəhətdən sağlam bir yerdə olduğundan, eləcə də məhsulun yol xəritəsinin aydın şəkildə tərtib edildiyindən əmin olmalıyam. Düşünürəm ki, bu ilin sonuna doğru şirkəti idarə edəcək başqa birini tapmaq olar. İnanıram ki, həmin vaxta qədər şirkət stabil vəziyyətə gələcək”.

Maskın son zamanlarda “Twitter”ə fokuslanması “Tesla” investorlarının reaksiyasına səbəb olur. O, çıxışında “Tesla” və “SpaceX”in performansından da söz açıb və hər iki şirkətin maliyyə cəhətdən əvvəlkindən daha yaxşı olduğunu müdafiə edib.

Lalə
Sfera.az