Son günlər ABŞ və Kanada, ümumiyyətlə, dünya mediasının gündəmi 1 həftə ərzində 4 Uçan Naməlum Obyektin (UNO) vurulmasıdır. 

Pentaqonun bu UNO-ların yadplanetlilərə məxsus olma ehtimalını istisna etməməsi sosial media istifadəçilərinin də məsələni diqqətdə saxlamasına səbəb olur. 
Artıq UNO ilə bağlı dünyanın müxtəlif yerlərindən gələn rəsmi və qeyri-rəsmi bildirişlər bir araya gətirilərək xəritə hazırlanıb. Beləliklə, indiyə qədər nə qədər UNO-nun müşahidə edildiyi və onların ən çox hansı ərazilərdə görüldüyü aydınlaşdırılıb. 

Sfera.az xarici mediaya istinadən bildirir ki, son 5 il ərzində ABŞ üzərində 26 mindən çox UNO-nun uçduğu məlum olub. 

UNO Hesabat Mərkəzi (NUFORC) əldə olunan məlumatlara əsasən ştatlar üzrə bu müşahidələrin sayını vizuallaşdırıb. “Daily Mail” qəzetinin hazırladığı xəritəyə görə, bu baxımdan Kaliforniya birinci, Florida və Nyu York isə ikinci yerdədir.

1998-ci ildən bu yana Kaliforniyada 15 min 562, Floridada 7 min 870 və Nyu Yorkda 5 min 567 UNO görülüb.

Digər ölkələrdə isə indiyədək 10 836 UNO müşahidə olunub. 

Maraqlıdır ki, ən çox UNO müşahidə edilən ştatlar həm də Hərbi Hava Qüvvələrinin bazalarına ev sahibliyi edirlər. Bu bazalarda müntəzəm olaraq ABŞ-ın yeni texnologiya ilə təchiz edilmiş uçan cihazları sınaqdan keçirilir. 

Lalə
Sfera.az