Meksikalı narkotik kartelinin dəstəsi həbsxanada ev pişiyinə döymə vurdurub. Yazıq heyvan manyakların əlindən xilas olub və indi sahiblənmək üçün yeni ailə axtarılır. Sfenks pişiyinin yan hissələrinə Los Mexiles dəstəsinin simvolları döymə edilib.

Sfera.az bildirir ki, Meksika 3 saylı Cerezo Dövlət Həbsxanasına edilən basqından sonra dəstə üzvlərindən Sfenks pişiyi alınıb. Pişiyə edilən tatu Los Mexicles həbsxana dəstəsinin simvoludur.


Los Mexicles 2009-cu ildə yaradılıb və rəqib kartel Juarez və onun silahlı qanadı Los Aztecasa qarşı daha uğurla mübarizə aparmaq üçün ə Sinaloa narkotik karteli ilə müttəfiq olub. O vaxtdan bəri dəstənin 10.000-dən çox üzvü var və Çihuahua ştatında ən şiddətli qruplardan biri hesab olunur.


Dəstə lideri koronavirus karantini zamanı 10 həbsxana gözətçisini öldürməklə və bütün Meksika şəhərində terror törətməklə məşhurlaşıb.
 

Pişik dövlət həbsxanasına dördüncü basqın zamanı tapılıb. Bu basqın yanvarın 1-də El Neto dəstəsinin lideri kimi tanınan Ernesto Alfredo Pignon da daxil olmaqla 25 məhbusun həbsdən qaçmasından sonra həyata keçirilib.
 

Bir neçə gün sonra El Neto Çihuahua ştatının polisi tərəfindən atışma zamanı öldürülüb.
 

Hökumətin bildirdiyinə görə, bir neçə gün əvvəl keçirilmiş əvvəlki reyd zamanı səlahiyyətlilər mexaniki bir öküz, bir neçə televizor və dəstə üzvlərinin həbsxanaya istədikləri kimi girib-çıxmasına imkan verən tunel və narkotik, silah və pulun qaçaqmalçılıq yolu ilə keçirildiyi yer aşkar ediblər.


Çihuahua əyalətinin səlahiyyətlilərinə görə, dəstə üzvləri həbsxanadan qaçdıqdan bir gün sonra kameralarında 21 tüfəng, 900 patron, zireh, spirt, narkotik və bir milyondan çox Meksika pesosu (təxminən 500 min dollar) olan seyf tapılıb.


Los Mexicles keçən avqust ayında eyni həbsxanadan növbəti qaçış cəhdindən sonra mülki şəxslərə qarşı bir sıra hücumlara görə məsuliyyət daşıyır. Bu hadisə zamanı aralarında mağazada diri-diri yandırılan hamilə qadın və yerli radiostansiyanın dörd əməkdaşı olmaqla azı on nəfər həlak olub.


Qeyd edək ki, Los Mexicles dəstəsinin üzvləri küçə narkotik satışına, silah və narkotik ticarətinə nəzarət edir və girov üçün insanları qaçırır.

Aynil