1978-ci il oktyabrın 21-də axşam Avstraliyanın cənubunda okean üzərində uçan pilot Frederik Valentiçdən sonuncu radio mesajı alındı ​​və nə ona, nə də onun təyyarəsinə bir daha müraciət etmək mümkün olmadı. Bəs bu pilota nə oldu?

Sfera.az bu müəmmalı hadisə haqqında yazı təqdim edir.


Frederik Valentiç 150 saata yaxın uçuş təcrübəsi olan bir pilot idi. O, bir neçə dəfə “Royal Australian Airways”ə müraciət etsə də, kifayət qədər hazırlıq olmadığı üçün rədd cavabı alıb.
 

Valentiç daha sonra “Royal Australian Airways” uçuş kursunu keçmiş və mülki pilot olmağa çalışmışdır. Amma burada bir neçə dəfə dalbadal imtahanlardan kəsilib. Hətta bir sıra kiçik təyyarə qəzalarına səbəb olub. Atası Guidonun sözlərinə görə, Valentiç UFO-lara ciddi şəkildə inanırdı.

1978-ci il oktyabrın 21-də axşam Valentiç Cessna təyyarəsi ilə cənuba solo uçuş etdi. Axşam saat 19:00 radələrində Melburn hava nəqliyyatı idarəsi ilə əlaqə saxladı.

Valentiç havada naməlum obyekt gördüyünü deyib. O, onu dörd tərəfdən parlaq işıq saçan, ətrafında daim sürətlə fırlanan, yenidən parlaq və metal görünüşlü, yaşıl işıq saçan bir cisim kimi təsvir etmişdir. Hava idarəsi Valentiçdən gördüyü təyyarənin təfərrüatlarını soruşarkən pilotun “Bu, təyyarə deyil” dediyi eşidildi və qəribə səslərlə əlaqə kəskin şəkildə kəsildi.

Bu hadisədən sonra ətrafda bir neçə günlük axtarışlardan sonra heç bir dəlil tapılmadı. Valentiç və onun təyyarəsi yoxa çıxmışdı.
 

Bu hadisə tez bir zamanda UFO və sui-qəsd nəzəriyyəsi həvəskarlarının diqqətini çəkdi. Valentiçin UFO tərəfindən hücuma məruz qaldığını və yadplanetlilər tərəfindən qaçırıldığını düşünən bir izdiham yaranıb. Bəzi fotoşəkillər eyni gündə çəkilib və UFO-ları əks etdirdiyi iddia edilib.

Hadisə baş verən gün çəkilmiş və UFO olduğu iddia edilən foto:

Hadisənin iç tərəfinin araşdırılması üçün Nəqliyyat Nazirliyi tərəfindən araşdırmalara başlanılıb. Lakin 5 il sonra Flingers adalarında təyyarənin mühərrik hissəsi tapılıb. Araşdırmalardan sonra bu parçanın Valentiçin yoxa çıxdığı eyni tipli təyyarəyə aid olduğu müəyyən edilib.

Bu kiçik ipucu ən azı bunun bir təyyarə qəzası olduğunu göstərirdi. Lakin o, qəzanın nədən baş verdiyi sualına hələ də cavab tapılmayıb.

Sirli sui-qəsd nəzəriyyələrinə qarşı düşünənlər və ən ağlabatan həll yolunu axtaranlar da olub. Bu nəzəriyyələrdən biri də budur ki, Valentiç diqqətini yayındırıb dənizə dalaraq səhv edib və bəlkə də gördüyünü söylədiyi işıqlar dənizdən gələn öz işığının əksi olub. Başqa bir fikir, pilotun g-gücünün təsirinə məruz qalması və nəzarətsiz fırlanmalarla qəzaya uğramasıdır.

Nəticədə Frederik Valentiçin uçuş təlimlərindəki uğursuz tarixə nəzər saldıqda onun mümkün təyyarə qəzasına səbəb olması ehtimalının güclü olduğu görünür. Lakin 40 il keçməsinə baxmayaraq, nə pilot, nə də təyyarənin qalan hissələri tapılmayıb. Bu reallıq həm də cavabsız sual işarələri yaranmasına səbəb olub.

Xanım