Fevralın 6-da Hindistanın Heyvanların Rifah Şurası 14 fevralı “İnək qucaqlama günü” elan edən bəyanat yayıb.

Sfera.az bildirir ki, Şura inəkləri “Hind mədəniyyətinin və kənd iqtisadiyyatının əsası” adlandırıb.

“İnək “qidalandırıcı təbiətinə” görə hər şeyi bəxş edən, bəşəriyyətin sərvətini təmin edəndir”-deyə bəyənatda bildirilir.

Rifah Şurası bildirib ki, inək qucaqlamaq, Qərbin təsiri ilə məhv edildiyini iddia etdiyi "Vedik" və ya müqəddəs hindu ənənələrini təbliğ etmək səylərinin bir hissəsidir.

"Vedik ənənələr zaman keçdikcə Qərb mədəniyyətinin tərəqqisinə görə, demək olar ki, məhv olmaq ərəfəsindədir. Qərb sivilizasiyasının korluğu fiziki mədəniyyətimizin və irsimizin demək olar ki, unudulmasına səbəb olub"- bəyanatda deyilir.

Bəyənatdan sonra netizenlər və media hökumətin planını lağa qoyub, aşiq kişilərdən qaçan inəklərin memlarını yerləşdirib və heyvanlarla insanlar arasında şiddətli toqquşmaların videolarını yerləşdiriblər.

Qeyd edək ki, bu Hindistanın 1,3 milyard əhalisinin təxminən 80%-ni təşkil edən bir çox hindular üçün öldürülməsi və ya yeyilməsi günah sayılan inəklərlə bağlı hökumətin yürütdüyü siyasətin səs-küyə səbəb olması ilk dəfə deyil.

Ölkənin əksər hissəsində heyvanların satışı və kəsilməsi qadağandır və heyvanlar tez-tez arıq vəziyyətdə küçələrdə və yollarda gəzməyə buraxılır, burada sürücülər onları vurmamaq üçün diqqətli olmalıdırlar.

2019-cu ildə Hindistanda Rashtriya Kamdhenu Aayog (RKA) kimi tanınan İnək Mühafizəsi Agentliyi, digər məsələlərlə yanaşı, inəklər haqqında lazımi biliklər haqqında ictimaiyyəti maarifləndirmək üçün yaradılmışdır. RKA hətta milli “inək elmi” imtahanı keçirməyi planlaşdırıb, lakin kurrikulumun heyvanla bağlı qeyri-elmi iddialarına görə geniş tənqidlərə məruz qalmasından sonra bu ideyadan vaz keçmək məcburiyyətində qalıb.

Bir neçə iddia arasında, 54 səhifəlik imtahan təlim kitabçasında geniş miqyaslı kəsimxana fəaliyyətinin böyük zəlzələlərə səbəb olduğu, kütləvi qırğın ağrısının seysmik fəaliyyət üçün kifayət qədər stress yarada biləcəyini irəli sürdüyü ifadə edildi.

O, sübut təqdim etmədən yerli inəklərin ekzotik inəklərdən daha keyfiyyətli süd verdiyini də iddia edib.

Aynil