“Vahid Rusiya”nın Tuva Ali Xuralının deputatı ov edərkən bir nəfəri güllələyib.

Sfera.az bildirir ki, hadisə Narın kəndi yaxınlığında baş verib.

Belə ki, deputat Eçis-Baldır Nurzat 100-150 metr məsafədə dürbündə bir obyekt görüb və tüfənglə atəş açıb. “Ovçular əraziyə çatanda güllə yarası almış bir kişinin cəsədini görüblər”, - deyə bildirilib.

Deputata qarşı “Ehtiyatsızlıqdan ölümə səbəb olma” maddəsi ilə cinayət işi açılıb. Məlumata görə, Eçis-Baldır Nurzat hazırda ev dustaqlığındadır.

Qeyd olunub ki, hadisədən sonra ovçular özləri polisə müraciət ediblər.

Türkan