55 yaşlı amerikalı-kanadalı aktrisa Pamela Anderson müğənni Britni Spirsə şəxsi məktub yazıb.

Sfera.az bildirir ki, 90-cı illərin seks simvolu hesab olunan Pamela Anderson Spirs son İnstaqram paylaşımında onu təriflədikdən sonra sənətçiyə məktub yazıb.

Pamela Britniyə şəxsi mesaj göndərdiyini açıqlayıb və eyni zamanda onların çətin şəxsi həyatlarını müqayisə edib.

Tommy Leenin keçmiş həyat yoldaşı: "Mən ona məktub yazdım və ümid edirəm ki, o, məktubu artıq alıb"-deyə bildirib.

Daha sonra aktrisa hər birinin şəxsi həyatında yaşadığı çətinlikləri xatırlayıb.

"Ən yaxın adamların sənə xəyanət etməsi və ya istifadə etməsi çətindir. Sanki bədəninlə pul qazanırsan. Bu ağrıdır"-deyə Anderson əlavə edib.


Qeyd edək ki, bir gün əvvəl Britney Spears, Pamela Andersonu İnstaqramda tərifləyib. O, aktrisanı Baywatch şöhrətinin zirvəsində seks simvolu olduğunu deyib. Daha sonra postu tez silinib və Britni əlavə edib ki, Anderson hələ" də seks simvolu olaraq qalır.

Xüsusilə müğənni Pamela Andersonun musiqiçi Tommi Li ilə evliliyindən olan oğullarını tərifləyib. Ulduzun övladları valideynlərinin seks qalmaqalı ilə bağlı səs-küylü serialın yayımlanmasından sonra onun müdafiəsinə qalxıblar.


Bu arada, Britninin oğulları sosial şəbəkələrdə analarının səmimi fotolarına görə ondan qaçır.

Aysel