Anar Kazımov Türkiyəyə başsalığı verdi - FOTOLAR
"Naxçıvan" Universitetinin rəhbərliyi Türkiyə Respublikasının Naxçıvandakı Baş Konsulluğuna gedərək qardaş ölkədə baş verən faciəvi hadisə ilə bağlı başsalığı verib.
Sfera.az bildirir ki, rektor Anar Kazımov Baş Konsulluqda açılan matəm kitabına başsalığı ilə bağlı ürək sözlərini yazıb. Türkiyənin Naxçıvandakı Baş konsulu Asip Kaya ilə görüşən rektor Türkiyədə baş verən və 10 vilayəti əhatə edən dəhşətli zəlzələdən duyduğu narahatlığı dərin hüznlə ifadə edərək dost və qardaş Türkiyə dövlətinə və xalqına başsalığı verib, yaralananlara isə şəfa diləyib.
Qeyd edilib ki, bu gün ölkəmizin hər bir yerində olduğu kimi “Naxçıvan” Universitetinin də bütün pedaqoji heyəti və tələbələri bütünləşərək təbii fəlakətdən əziyyət çəkənlərə tam dəstək göstərir.
Türkiyənin Naxçıvandakı Baş konsulu Asip Kaya göstərilən dəstəyə görə minnətdarlığını bildirib.
