Avropa İttifaqı dağıdıcı zəlzələlərdən sonra Türkiyə və Suriyaya təcili yardım olaraq 6,5 milyon avro göndərmək niyyətindədir.

Sfera.az xəbər verir ki, Avropa Komissiyası Suriyaya ilkin olaraq 3,5 milyon avroluq təcili humanitar yardım göstərildiyini açıqlayıb. Bundan əlavə, Türkiyəyə 3 milyon avro məbləğində analoji maddi dəstək göndəriləcək.

Xatırladaq ki, Avropa Birliyi indiyədək Türkiyəyə 30 xilasetmə qrupu göndərib və onların sayı 1180-ə çatıb. Bu barədə Avropa Komissiyasının nümayəndəsi Balaş Uyvari Brüsseldə keçirilən brifinqdə bildirib.

“Bu günə kimi 19 Aİ ölkəsindən, həmçinin Monteneqro və Albaniyadan 30-dan çox xilasetmə qrupu və tibbi qruplar göndərmişik. Onların ümumi sayı 1180 nəfər olub, qruplarda 79 axtarış iti də olub”, - rəsmi bildirib.

Əzizə