Daha bir türkiyəli geoloq zəlzələ ilə bağlı xəbərdarlıq edib.

Sfera.az bildirir ki, professor Naci Görür İstanbulda vəziyyətin yaxşı olmadığını açıqlayıb.

“Türkiyədə ən çox zəlzələ yaradan iki fay var. Biri Şimali Anadolu, digəri isə Şərqi Anadolu fayıdır. Hər iki fay enerjilərinin böyük bir hissəsini boşaldıblar. Bu o deməkdir ki, yaxın bir neçə yüz il ərzində Türkiyədə ən azı bu iki fay zonası boyunca böyük bir zəlzələ olmayacaq. Lakin bizi hələ də narahat edən yerlər Bingöl və Karlıova arasındadır. İstanbulda vəziyyət heç də yaxşı deyil. Necə ki, 3 gün əvvəl "Maraşdan narahatıq" yazmışdım,  İstanbuldan da o formada narahatam”, - geoloq bildirib.

Mütəxəssis qeyd edib ki, elmi araşdırmalara görə, İstanbul üçün də zəlzələ zamanı yaxınlaşır:

“Təxminən 30 il ərzində zəlzələnin gözlənildiyini deyirdik. Artıq 23 il keçib, bu o deməkdir ki, vaxt daralır”.

Günay Rəsulqızı