Qırmızı - görkəmli və fərqli görünən sevgi, emosiya, istilik və qəzəbin rəngidir. Yəqin ki, qırmızı paltar geyindiyiniz zaman diqqət mərkəzində olduğunuzun şahidi olmusunuz.  Bir çox məşhurlar da zərif qırmızı geyimdə tədbirlərə qatılır - bəziləri onu dəblə daşıya bilsə də, bəziləri üçün bu, ən pis geyim tərzi hesab olunur.

Sfera.az tanınmışların geyindiyi,  sevilən “ən yaxşı qırmızı paltarlar”la bağlı məlumatı təqdim edir. 

Məlumdur ki, hər il məşhur simaların qırmızı xalçada göründüyü və möhtəşəm dəbi nümayiş etdirdiyi onlarla hadisə baş verir. Məsələn, Nyu-York , Milan , Paris Moda Həftəsi kimi tədbirlər buna daxildir.

Bəs bu tədbirlərdə ən dəbli qırmızı libası hansı məşhur geyinib? 

Selena Qomez – O,  amerikalı müğənni və bəstəkardır, karyerasına televiziya şousunda aktyorluq etməklə başlayıb, lakin sonradan ifaçılıqla şöhrət qazanıb. Selenanın dünyada böyük bir pərəstişkar kütləsi var. Müğənni 2022-ci ilin martında “Critics Award Show”a  qırmızı “Louis Vuitton” markalı  paltarı ilə gəlib. Geyimdə cazibədar görünən Selena paltarı almaz qolbaq, minimal zinət əşyaları, sadə makiyajla tamamlayıb.

Bella Hadid  - O, amerikalı modeldir, ən nüfuzlu moda jurnalları və dizaynerləri ilə işləyib. Qısa müddət ərzində Bella bu sahədə tanına bilib. Onun zövqü həmişə moda tənqidçiləri tərəfindən sevilib. Məşhur sima 2019-cu ildə Kannda festivala qırmızı rəngli geyimdə çıxıb. “Roberto Cavalli” markalı don geyinən Hadid bütün nəzərləri özünə çəkib. Paltar asimmetrik dekolteli, buda qədər yarıqlı və arxası açıq idi. Model görünüşünü “Bulgari” istehsalı olan brilyant sırğa və “Brian Atwood” tərəfindən hazırlanmış zərif səndəllərlə tamamlayıb.

Rihanna - Hamı onun ifaları, üslubu və makiyaj stilinin pərəstişkarıdır. O, 2013-cü il “Grammy” mükafat gecəsində  şifon, ön hissəsi arxaya qədər uzanan mükəmməl qırmızı paltarda görünüb. Paltar “Azzedine Alaia” tərəfindən hazırlanıb. 

Gigi Hadid – Yeni modanın tanınmış simalarındandır.  Hadid 2015-ci ildə “Met Gala”ya  “V” dekolteli atlaz  krujeva paltarında gəlib. O, qırmızı xalçada heyrətamiz və seksual görünürdü. Paltar belçikalı modelyer “DVF” tərəfindən hazırlanıb.  Burada Gigi həmçinin, sadə makiyaj, sırğalar, açıq saç, qırmızı rəngli hündürdaban ayaqqabı ilə görüntünlənib.

Ketlin Diver -  amerikalı aktrisadır. O, bu yaxınlarda “Emmy” mükafatları gecəsində iştirak edib. Parlaq qırmızı paltar geyinən aktrisa heyrətamiz görüntüyə sahib olub. Uzun yarığı olan paltar bununla da daha zərif görünüb. Aktrisa geyimini “Jimmy Choo” markalı ayaqqabısı ilə tamamlayıb. Paltar “Naeem Khan”a məxsusdur.

Türkan