Məşhur türkiyəli müğənni Seren Serengilin sevgilisinin ailəsi də zəlzələ nəticəsində xəsarət alıb.

Sfera.az bildirir ki, ifaçının sevgilisi Mustafa Rəhman Tohmanın Hatayda yaşayan valideynləri dağıntılar altında qalıb.

"Təcili olaraq Hataya kömək və dəstək istəyirik. Ailələrimiz içəridə qalıb”, deyə sosial mediada paylaşım edən Tohman 6 saat sonra yenidən açıqlama verib. O, "Ailəm xilas oldu. Atam yaxşıdır, anamın vəziyyəti pisdir. Dua edin" mesajını yazıb.

Lakin bu gün dağıntılar altında qalan anasının dünyasını dəyişdiyi məlum olub.  Bu barədə Seren Serengil paylaşım edib.

Qeyd edək ki, fevralın 6-sı Kahramanmaraşda 7,7 bal gücündə zəlzələ baş verib.  Kilis, Diyarbəkir, Adana, Osmaniye, Adıyaman, Qaziantep, Malatya və Hatayda da hiss edilən zəlzələ bir çox binanın uçmasına səbəb olub. 

Türkan