Ötən günlərdə amerikalı könüllü və “Global Response Medicine” humanitar yardım qrupunun yaradıcısı Pit Rid Donetsk vilayətinin Baxmut şəhərində mülki şəxslərə tibbi yardım göstərdiyi yerdə vəfat edib.
 

Sfera.az bildirir ki, bu barədə CNN məlumat yayıb.
 

Ridin USMC veteranı olduğu bildirilir. İraqda Mosul döyüşü zamanı tibb qruplarına rəhbərlik edib, 10.000-dən çox xəstəni sağaldıb
 

Ukraynaya getmək üçün bu ilin yanvarında könüllü öz humanitar təşkilatını tərk edərək Qlobal Həkimlər qrupuna qoşulub. GOD saytında Reed Ukrayna üzrə Regional Direktor kimi qeyd edilib.


"Bu, xilasedicilərin və yardım işçilərinin qarşıdurma zonalarında çarpaz atəşə tutulmuş mülki şəxslərə xidmət edərkən üzləşdikləri təhlükələri xatırladır. Pitin cəmi 33 yaşı var idi, lakin o, həyatını başqalarına xidmət etməklə keçirib. Əvvəlcə təltif edilmiş ABŞ dəniz piyadası, sonra isə humanitar yardımda başqalarına xidmət edib”- “Global Response Medicine”nin açıqlamasında deyilir.
 

Pit Ridin həyat yoldaşının dediyinə görə, onun təcili yardım maşını atəşə tutulduğu zaman o, mülki insanların təxliyəsi və yaralıları müalicə edib.

 

"O, yaxşı bacardığı, ona həyat verən və sevdiyi işlə məşğul olaraq öldü və bir komanda üzvünü bədəni ilə xilas etdi" .
 

“The Washington Post”un məlumatına görə, Pit Rid 2022-ci il fevralın 24-də Rusiya Silahlı Qüvvələrinin genişmiqyaslı işğalından sonra Ukraynadakı müharibədə həlak olan ən azı altıncı amerikalı olub.

Bundan əvvəl, mayın 15-də Dorojnyanka kəndində gedən döyüşlər zamanı 52 yaşlı ABŞ vətəndaşı Stiven Zabelski öldürülüb. Jurnalistlərin fikrincə, amerikalı Ukrayna ordusuna qoşulan Qərb könüllülərindən ibarət “Volverin” dəstəsinə mənsub olub.

Aynil