"Bioloji hücum" dedikdə ağlımıza hippi topluluqları gəlmir yəqin ki.

(Hippi həyat tərzi - bugünkü mütləq rədd etmənin təməllərini atan bir hərəkatdır. Dünyanın bütün bitki, heyvan və insanlara aid olduğunu qəbul edən apolitik bir yanaşmadır).
 

Adının mənası "çiçək uşaqları" olan və canlılar arasında sülh, cinsi azadlıq, musiqi, bərabərlik kimi anlayışları yerləşdirərək yaşayan insan toplumlarından belə bir hərəkəti həyata keçirmələrini gözləmək olmaz hər halda.
 

Avaq bütün bunlar bir qrup hippinin Amerika tarixindəki ən böyük bioloji hücumu həyata keçirməsi faktını dəyişdirmir.

Bu hücumu kimin, niyə və necə həyata keçirdiyi ilə maraqlanırsınızsa, Sfera.az sizə maraqlı yazı təqdim edir.


Hər şey 1970-ci illərdə Bhagwan Shree Rajneesh (sonralar Osho kimi tanınır) Hindistanda Rajneesh təriqətinin rəhbəri olduqda başlayıb.

Təriqətin seksuallığa münasibəti (və təklif olunan vergi məcəlləsi) onu Hindistanın mühafizəkar (və vergi məcəlləsini qəbul etmək istəyən) hökuməti ilə qarşıdurma vəziyyətinə gətirdi. Buna görə də təriqətin əksəriyyəti 80-ci illərin əvvəllərində Amerikaya köçməli oldu.

İmmiqrantlar Oreqonun mərkəzində 640.000 hektar ərazidə məskunlaşıblar.

Camaatın məqsədi məskunlaşdıqları bölgəni “xeyirxahlıq” şəhərinə çevirmək idi. Lakin onların rəhbəri torpağı alarkən müqavilədəki kiçik hərfləri oxumayıb. Torpaq onların olsa da, istədiklərini tikməyə, istədikləri qədər adam gətirməyə haqqı yox idi. Əvvəlcə yerli hakimiyyət orqanlarından icazə almalı idilər. Təriqət üzvlərinin yerli insanlara yaxşı uyğunlaşmadıqlarını nəzərə alsaq, işlər planlaşdırıldığı kimi getmədi.

Torpağın bağlı olduğu Vasko dairəsinin rəsmiləri ilə danışıqlar nəticə vermədikdə, onlar daha aqressiv yol tutdular.
 

Onlar əvvəlcə cəmi 40-a yaxın sakini olan qonşu Antilop qəsəbəsində məskunlaşaraq səslərin əksəriyyətini qazanıblar. Beləliklə, onlar öz polis qüvvələrini yaratmaq kimi bəzi səlahiyyətlər əldə etdilər ki, bu da şəhər əhalisini çox qıcıqlandırırdı. Onlar şəhərin adını “Rajneesh” olaraq dəyişdirdilər və şəhərdəki təkrar emal müəssisəsini “Adolf Hitler Təkrar Emal Mərkəzi” adlandırdılar.

Bununla belə, onların sayı Vas qraflığında səslərin əksəriyyətini qazanmaq üçün kifayət etmədi və onlar yaşayış məntəqələrini genişləndirmək üçün icazə ala bilmədilər.
 

Belə ki, icma liderləri əvvəlcə seçkilərdə saxtakarlığa, sonra isə qətlə və bioloji hücumlara cəhd ediblər.

İlk olaraq, öz namizədlərinə səs vermək müqabilində evsizlərə sığınacaq və yemək verdilər.
 

Kimyaçıların öz torpaqlarında qaldıqları müddətdə bu evsizləri nəzarətdə saxlamaq üçün içkilərinə antipsikotik dərman olan Haldol əlavə etdikləri sübut olunub. Yerli hökumət təriqətin planını həyata keçirilməsinə mane olmaq üçün seçkilərə ən azı 20 gün qalmış məskunlaşmağa başlamağı tələb etdi. Təriqət bu yolla səs çoxluğunu toplaya bilməyəcəyini anlayınca hər kəsə eyni anda ishal dərmanı verərək onların səsvermədə iştirak etməsinə mane olmağa çalışıb.
 

“Çin çamaşırxanası” adlı bir laboratoriya qurdular və orada müxtəlif zəhərlər və dərmanlar istehsal etməyə başladılar.

Laboratoriyada patogen bakteriyalar yetişdirilib. Bioloji hücum planı olaraq əvvəlcə ərazidəki qunduzları öldürüb parça-parça etmək, sonra isə şəhərin su təchizatına atmaq və insanları zəhərləmək fikrinə düşüblər. Daha sonra onlar “Salmonella typhimurium” bakteriyasından istifadə etmək qərarına gəliblər, çünki bunun daha az şübhə doğuracağını və araşdırmanın qarşısını alacağını düşünürlər.

Hazırlıqları tamamladılar, addım-addım nə edəcəklərini qərarlaşdırdılar və planı həyata keçirdilər.
 

Onlar əvvəlcə yığıncağın məskəninə gələn Wasco County komissiyasını zəhərlədilər. Daha sonra ətraf şəhərlərdəki bütün seçicilərə qarşı hücumlarını məşq etmək üçün ərazidəki restoran və barlarda məhsulları zəhərləyiblər. Hadisə ilə bağlı birinci dalğada makaron, kartof, lobya və noxudlu salat yeyənlərin xəstələndiyi müşahidə edilib. İkinci dalğada isə rokfor pendiri yeyənlərin xəstələndiyi müşahidə edilib.

Araşdırmada xəstələrin yemək yediyi restoranlarda gigiyena qaydalarının tam olmadığı görülüb.
 

Bir neçə il sonra hadisənin təriqətlə bağlı olduğu məlum olub. Bu üsulla təriqət şəhərdəki hər kəsi ishal edərək seçkilərdə qalib gəlmə məqsədini genişləndirdi və hakimiyyətə sui-qəsd etməyə başladı. ABŞ Xəstəliklərə Nəzarət və Qarşısının Alınması Mərkəzlərinin hesabatına görə, təriqətin törətdiyi kütləvi zəhərlənmə yeni doğulmuş körpələrdən 87 yaşına qədər 751 nəfərin xəstələnməsinə səbəb olsa da, ölən olmayıb.

Aynil