İspan əsilli dizayner Pako Raban Fransanın Portsal şəhərində 88 yaşında vəfat edib.
 

Sfera.az bildirir ki, ölümü Paco Rabanne moda evi və ətir biznesini idarə edən İspaniyanın “Puig” qrupu da təsdiqləyib.

1960-cı illərdə beynəlxalq şöhrət qazanan Raban 1999-cu ildə moda dünyasından təqaüdə çıxıb və nadir hallarda ictimaiyyət qarşısında görünüb.
 

2011-ci ildə Barselonada yerləşən Puig hindistanlı dizayner Maniş Aroranın rəhbərlik etdiyi Rabanın moda biznesini canlandırıb.

 

Fransız Julien Dossena 2013-cü ildən moda evinin rəhbəridir.
 

Qeyd edək ki, Raban daha çox metal ansamblları ilə tanınsa da, ilk kolleksiyasını 1966-cı ildə plastikdən istifadə edərək təqdim edib. "Müasir Materiallarda 12 Geyinməyən Paltar" adlı debüt kolleksiyası Fransa moda mətbuatını qəzəbləndirib. Məhz bu kolleksiya həm Rabanı məşhur edib, həm də onun dizayn gələcəyinə istiqamət verib..
 

Dizaynları qeyri-ənənəvi olsa da, o, bir dəfə demişdi: "Mən modanın ən klassik yaradıcılarından biriyəm. Saint Laurent, Balenciaga, Givenchy və Cardin barokkodur". Bununla belə, alternativ və sənaye materiallarının istifadəsi sayəsində Raban klassiklərin yaradıcısı kimi deyil, daha çox futuristik modanın uzaqgörən biri kimi görünməyə başlayıb.

Aynil