Hacı Nuran evlənir? - Özü açıqladı

Bu gün doğum gününü qeyd edən aparıcı Hacı Nuran təəssüratlarını bölüşüb.

Sfera.az xəbər verir ki, Hacı Nuran Teleqraf.com-a açıqlamasında doğum gününü yaxınları ilə qeyd edəcəyini deyib: "Böyük hazırlıqlar yoxdur. Bu günü yaxınlarımla qeyd edəcəm. Verilişlərdə iştirak edəcəm. Doğum günümü qeyd etməyi sevirəm. Həmin gün yeganə gündür ki, sırf özünə sərf edirsən".

"Yaxın günlərdə evlənməyiniz haqqında xəbərlər yayılmışdı. Bu il evlənməyi planlaşdırırsınızmı" sualına cavabda aparıcı deyib: "Evlənməyin də vaxtı var. 30 yaşına qədər evləndin, yaxşı mənada dünyagörüş və fikirlər fərqli olur. Müəyyən vaxt keçəndən hərtərəfli düşünürsən. Bu, sadəcə, həyati bir məsələdir. Müəyyən həddə gəlirsən, xoşuna gəlmir yaxud nə isə... Çətin bir məsələdir, əvvəlki kimi deyil".

"Özünüzə ad gününüzdə nə arzu edirsiniz" sualımıza isə Hacı Nuran belə cavab verib:

"Xəstəlikdən uzaq, dərdsiz-problemsiz günlər arzu edirəm. Şükür Allaha dostlarım yanımdadır. Başağrısı olanda belə, sanki dünya insanın başına fırlanır. Heç kimə arzulamıram. Başqa insanların da xəstəliyini görmüşəm, özüm də xəstəlik yaşamışam. Ən yaxşı xoşbəxtlik sağlam yaşamaqdır".