"Rusiyada qərarı kim verir? Putin mənə maraqlı deyil!" - ZELENSKİ
Siyasət
14:12 / 26.01.2023
14832
Ukrayna Prezidenti Volodimir Zelenski Rusiya lideri Vladimir Putinlə danışıqlarda maraqlı olmadığını deyib.
Sfera.az bildirir ki, bu barədə o, “Sky News”a müsahibəsində danışıb.
“Putinlə görüşmək, danışmaq mənə maraqlı deyil. Ümumiyyətlə, Rusiyada kimin qərar verdiyini başa düşə bilmirəm”, - Zelenski bildirib.
O, bu fikirləri Rusiya Federasiyasının prezidenti ilə görüşün münaqişənin sona çatmasına kömək edib-etməyəcəyi sualını cavablandırarkən səsləndirib.
Xatırladaq ki, bundan öncə Kremlin sözçüsü Dmitri Peskov Putinin son bir neçə ildə Ukrayna prezidenti ilə əlaqə saxlamadığını bildirmişdi.
Türkan