Roma Papası Fransisk rezonans doğuracaq açıqlama verib.

Sfera.az bildirir ki, o, “The Associated Press”ə müsahibəsində LGBT əleyhinə qanunların ədalətsiz olduğunu deyib.

2013-cü ildə vəzifəyə gəldiyi gündən bəri katolik kilsəsinin homoseksuallıq, abort və din xadimlərinin nikahı kimi həssas olduğu mövzularda açıqlamalar verən Papa Fransiskin son ifadələri səs-küy yaradıb. Katolik dünyasının ruhani lideri homoseksuallığın cinayət olmadığını bildirib.

“Gey olmaq günahdır, amma cinayət deyil. Əvvəlcə günah və cinayəti ayırd etmək lazımdır. Bir-birinə kömək etməmək də günahdır. Biz hamımız Tanrının övladlarıyıq. O, bizi kim olduğumuza, ləyaqətimiz üçün mübarizə aparmağa imkan verən gücümüzə görə sevir. Bəzi ölkələrdə qüvvədə olan LGBT əleyhinə qanunlar ədalətli deyil”.

Papa Fransisk həmçinin, Katolik kilsəsinin bu ədalətsizliyə son qoyma gücünə sahib olduğunu vurğulayıb. O, bu qanunları dəstəkləyən din xadimlərini də mərhəmətli olmağa çağırıb.

Türkan