Beyonsun atası onun homoseksual əmisinə həsr etdiyi albomdan oxumamasından danışdı
Pop-diva Beyonsun atası, iş adamı Metyu Noulz qızının tənqidlərinin müdafiəsinə qalxaraq, eyni zamanda onun gələcək planlarını açıqlayıb.
LGBT icmasının nümayəndələri müğənninin eynicinsli münasibətlərin qanunla cəzalandırıldığı ölkədə səhnəyə qayıtmaq üçün məhz Birləşmiş Ərəb Əmirliklərini seçməsindən hiddətləndiklərini bildiriblər.
Sfera.az bildirir ki, ingilis hüquq müdafiə təşkilatı “LGB Alliance”ın həmtəsisçisi Bev Jackson Beyonsun 24 milyon dollarlıq konsertinin onun lezbiyanlara və geylərə dəstəyinə kölgə saldığını deyib.
71 yaşlı Metyu Noulza görə qızı öz ifası ilə müxtəlif tamaşaçıları bir araya gətirib. O, verilişdə olmayan insanların hər hansı hörmətdən danışa bilmə haqqının olmadığını bildirib.
Noulz qeyd edir ki, qızı həmişə inklüzivliyin tərəfdarı olub və hər kəsin sevgi adına konsertdə olduğuna inanır. Metyu əmin edib ki, Beyons heç vaxt kiməsə qəsdən zərər verəcək bir şey etməyəcək.
Müğənninin mərhum gey əmisi Conniyə həsr etdiyi “Renessans” albomundan hitləri səsləndirməməsi ilə bağlı tənqidlərə gəlincə, məlum olub ki, Beyons dünya turu planlaşdırır və o, hazır olanda bunu elan edəcək.
Xatırladaq ki, möhtəşəm şou yanvarın 21-də baş tutub. Konsert mediaya bağlı keçirilib və verilişi telefonla çəkmək qadağan edilib. Hətta tamaşaçılardan telefonlarını xüsusi çantalarda gizlətmələri tələb olunub. Ancaq istənilən halda konsertdən videolar çəkilib. Görüntülər Beyons özü paylaşmazdan əvvəl İnternetdə yayılıb.
Beyons konsertdə 19 mahnı ifa edib, onlardan birini 11 yaşlı qızı Blue Ivy ilə birlikdə oxuyub.
Aynil
Sfera.az
