Osmanlı tarixindən çoxlarının bilmədiyi qısa fraqment - Öldürülən düşmən kəllələrindən düzəldilmiş qüllələr
Osmanlı İmperatorluğunda düşmənləri qorxutmaq üçün istifadə edilən üsullardan biri də kəllələrdən ibarət olan qüllələrdir.
Onların arasında ən məşhuru indiki Serbiya ərazisində olan Nişdə yerləşir.
Bu qüllələrin hekayəsi də çox maraqlıdır.
Sfera.az bu maraqlı hekayəni təqdim edir.
1809-cu ildə Çeqar döyüşü zamanı bir qrup serb ayağa qalxıb.
Bu hadisə sonralar tarix kitablarına Birinci Serb üsyanı kimi düşəcəkdi.
Qarşılarında isə Osmanlı qoşunlarını tapırlar...
Serb bölməsi üsyanı yaxşı əlaqələndirə bilmədikdə, küncə sıxılır. Onların lideri Stevan Sindelic əsir düşmək və öldürülməkdənsə, yaxınlıqdakı toz çəlləyinə atəş açaraq oradakı hər kəsi öldürür.
Sadrazam Hurşit Paşa ölü üsyançıların başlarından bir qüllə tikdirmək qərarına gəlir.
Uzunluğu 3 metr olan qala tikilir. Onun ilk mərhələdə 952 başdan olduğu barədə şayiələr var.
1878-ci ildə Osmanlılar Nişdən çəkiləndə qüllə də serblərin nəzarətinə keçib.
Qüllə eyni ildə bir dam altında götürülür.
1892-ci ildə isə onun ətrafında bir ibadətgah tikilir.
1937-ci ildə aparılan bərpa işləri ilə qüllə yenidən qurulmuşdur. Qala üsyan başçısı Sindeliçin büstü ilə bəzədilib.
1948-ci ildə isə qala Serbiya tərəfindən Milli Mədəni İrs siyahısı altında qorunur.
Sonrakı illərdə yenidən bərpa olunan qalada Sindeliçə aid olduğu müəyyən edilən baş da şüşə zəngli qaba qoyularaq orada qorunmağa başlanıb.
Fransız şairi Alponso de Lamartine bu əraziyə gələrək öz hisslərini oxucuları ilə bölüşüb.
“Öz torpağında müstəqillik uğrunda başı kəsilən bu insanları gözlərim, ürəyim alqışlayır. Serblər bu abidəni yaşatsınlar! Çünki onların övladlarına müstəqilliyin əhəmiyyətindən danışan, əcdadlarının bu yolda nələr etdiyini göstərən bundan gözəl abidə yoxdur”.
Bu gün də qüllə ziyarətçilər üçün açıqdır və Nişə gələn turistlərin tez-tez üz tutduqları yerlərdən biridir.
Qülləni ehtiva edən kilsə hər il 30 min ilə 50 min arasında ziyarətçiyə qapılarını açır.
Aysel
Sfera.az
