Hamburger sevənlər gəlsin - Bu dəfə reseptini yox, tarixini öyrənirik
Fast food dedikdə, əksəriyyətin ağlına gələn ilk şey Hamburgerdir. Bəs, heç onun tarixi ilə maraqlanmısınızmı? Hamburger necə icad edilib, tarixi nədir?
Sfera.az Hamburgerin özü kimi maraqlı tarixini təqdim edir.
Zövqlə yediyiniz hamburgerin necə icad edildiyini bilirsinizmi?
1848-ci ildə Alman Konfederasiyasında baş verən siyasi inqilablardan sonra Almaniyanın ABŞ-a intensiv köçü başladı.
Bu səbəbdən Amerika şəhərlərində alman mədəniyyətinə aid yeməklər yayılmağa başladı.
Almaniyanın Hamburq şəhəri yüksək keyfiyyətli mal əti ixracatçısı kimi tanındığından, ABŞ-da bəzi restoranlar “Hamburq üslubunda” qiymə biftek təklif etməyə başlayıb.
Bu səbəbdən "hamburger" sözü 1880-ci illərdən əvvəl "hamburger biftek" adlanırdı.
Bu gün bildiyimiz burgerin əsl xəbərçisi 1870-ci illərin əvvəllərində Amerika menyularında görünməyə başlayan "hamburger biftek" adlı çox ucuz yemək idi.
Əllə doğranmış mal əti və soğan qarışığından ibarət olan bu küftə əvvəllər çörək arasında deyil, boşqabda verilirdi. Hamburq ətrafındakı kəndlərdə yetişdirilən elit inəklərin şərəfinə adlandırıldı.
1890-cı illərin sonlarında ətçəkən maşınlar daha çox mövcud olduqca, hamburger biftekləri asanlıqla hazırlanmağa və bütün Amerikaya yayılmağa başladı.
1891-ci ildə məşhur "The Boston Globe" qəzetindəki məqalədə "tost üzərində hamburger" resepti olan yemək kitabı reklam olunurdu. Hamburger artıq boşqabda yox, çörəyin arasında yeyilirdi.
Hamburger tez və asanlıqla, demək olar ki, gecə-gündüz hazırlandığından, işçilər tərəfindən tez-tez istehlak edilən bir yemək halına gəldi.
"Çörək və ızgara hamburger ətindən ibarət sendviç"in mənası 1909-cu ildə təsdiq edilməyə başlandı. O gündən sonra anaların məktəbə uşaqlaq üçün çörəkarasında qoyduğu ət və ya sosisli qədim ənənə yavaş-yavaş fəhlələr, işçilər arasında kafelərdə təqdim olunan fenomenə çevrildi.
Aynil
Sfera.az
