"İllərdir məni bura qədər şərh yaza-yaza gətirən adamlar indi..." - Xəzər Süleymanlı
“Heydər Əliyev Sarayı, retro və müasir şeirlərdən, musiqilərdən ibarət iki gecə və anşlaq… Ardı-arası kəsilməyən, saysız-hesabsız təşəkkür mesajları. Zala baxdıqca düşünürdüm ki, bu adamlar mənə necə doğma, necə tanışdır?! İllərdir məni bura qədər şərh yaza-yaza gətirən adamlar indi alqışlaya-alqışlaya izləyirdilər. Möhtəşəm idi”.
Sfera.az bildirir ki, bunu şair, qiraətçi Xəzər Süleymanlı ötən gün baş tutan konsertlə bağlı fikirlərini bölüşərkən deyib.
O qeyd edib ki, burada xeyli sayda insan əməyi var:
“Hicaz qrupunun bədii rəhbəri Eyvaz Həşimov - bütün heyəti o yığdı və musiqi tərtibatının qüsursuz şəkildə həllini tapdı. Gözəl sənətkarlarımız Nəzakət Teymurova, Teyyub Aslanov gecəyə xüsusi rəng qatdı. Təşkilati işləri üzərinə götürən illərin sənətkarı, tarzən Əliağa Sədiyev, özünəməxsus kamança ifaçısı Elşən Mansurov, qrupun digər üzvləri - Elnur, Azad, ifaçılar Nahidə Nur, Mətanət Bədəlova, Nicat Rəsulov, Dəyanət də möhtəşəm idi. Xüsusi təşəkkürlərim: Lalə Muradxanlı, Əbdülqəni Əliyev və təkcə rejissor kimi yox, qardaş kimi xidmət edən Mirsahib Ağazadəyədir”.
X.Süleymanlı eyni zamanda, izləyicilərə də minnətdarlığını bildirib: “İki gün məni tək qoymadığınız üçün qarşılarında baş əyirəm. Bir şeyi də başa düşdüm ki, “kütlə belə istəyir” deyənlər illərdir bu xalqa xəyanət edirmiş”.
Türkan
