50 Cent kimi tanınan amerikalı reper Curtis James Jackson verdiyi müsahibədə 2003-cü ildə boks əfsanəsi Mayk Taysonun Konnektikutda dəbdəbəli 52 otaqlı malikanəsini aldığına görə peşman olduğunu bildirib. Onun sözlərinə görə, bu alış onun böyük səhvi olub.
 

4645 kvadratmetrlik evdə 21 yataq otağı, 25 vanna otağı, qapalı hovuz, isti vanna, yaşıl ekran otağı, qapalı həyət, çoxsaylı oyun otaqları, səsyazma studiyası və hətta gecə klubu olub.


Sfera.az bildirir ki, mülk 50 sentə 4,1 milyon dollara başa gəlib. Repper “Roc The Mic Tour”da 38 milyon dollar qazandıqdan sonra belə bir addım atıb. O, etiraf edib ki, pulu itirməmək üçün yatırım etmək lazımdır.


Əmlakın illik saxlanması 70 min dollar tələb edib və reper ondan qurtulmaq qərarına gəlib.

Kertis ilk olaraq 2007-ci ildə evi 18,5 milyon dollara satışa qoyub və alıcı tapmaq üçün illər sərf edib. Nəhayət, 2019-cu ildə onu 2,9 milyon dollara böyük endirimlə sata bilib və pulun hamısını xeyriyyə təşkilatı “G-Unit” Fonduna bağışlayıb.
 

Xatırladaq ki, 50 Cent bu yaxınlarda sosial şəbəkələrdə açıq-saçıq fotolarına görə Madonnanı ələ salıb. Repper, daha əvvəl Madonnadan üzr istəməsinə baxmayaraq, ardıcıl ikinci dəfə bunu edib. İnstagram səhifəsində “sizə demişdim də, Nənənin əsəbləri gərgindir” yazmışdı. O, həmçinin Madonnanı humanoid adlandırıb.

Aynil