Əfsanəvi müğənninin yeganə övladı VƏFAT ETDİ - FOTO
Əfsanəvi müğənni Elvis Preslinin yeganə övladı Liza Mari Presli vəfat edib.
Sfera.az bildirir ki, ölüm xəbərini Lizanın anası Priskilla Presli yayıb.
O, “Gözəl qızım Liza Marinin vəfat etməsi ilə bağlı sarsıdıcı xəbəri kədərlə bölüşməliyəm. O, tanıdığım ən güclü və sevgi dolu qadın idi", - deyə qeyd edib.
Məlumata görə, Liza Mari cümə axşamı səhər tezdən xəstəxanaya yerləşdirilib. Lakin o, Kaliforniya ştatının Calabasas şəhərindəki evində tapılıb. ABŞ mediası 54 yaşlı Preslinin infarkt keçirdiyini yazıb.
Qeyd edək ki, 1968-ci ildə anadan olan Liza Mari atasının yolunu davam etdirib. Onun 2003-cü ildə çıxan debüt albomu yüz minlərlə tirajla satılıb və müsbət rəylər alıb. Liza həmçinin, müğənni Maykl Cekson, aktyor Nikolas Keyc, musiqiçilər Denni Kof və Maykl Lokvudla evliliyi ilə tanınıb. Elvis Presli 1977-ci ildə infarktdan öləndə Liza Mari 9 yaşında olub.
Türkan
