Filipp Kirkorov Zelenskini dovşan adlandırdı - FOTO

55 yaşlı rusiyalı müğənni Filipp Kirkorov Vladimir Zelenskinin ona və bir sıra digər sənətçilərə qarşı tətbiq etdiyi şəxsi sanksiyalara Milli Təhlükəsizlik və Müdafiə Şurasının müvafiq qərarını imzalayaraq reaksiya verib.

Sfera.az bildirir ki, Kirkorov sosial şəbəkələrdə Ukrayna prezidentini “dovşan” adlandırıb və onu ölkəsini külə çevirməkdə ittiham edib. Bu barədə müğənni İnstaqram səhifəsində yazıb.
 

“Çəkiliş meydançasındakı köhnə dostum və partnyorum rola həddən artıq girib və ona okeanın o tayından göndərdikləri ssenari həm özünü, həm də ona əmanət olunan ölkəni külə çevirir. Ona və Ukraynadan mənə yaxın insanlar çox yazığım gəlir. Təəssüf ki, təbliğat və xəbər gündəmini ələ keçirmiş fanatik insanlara öz yaxınlarını, dostlarını və digər alternativ fikirləri, xəbərləri eşitməyə imkan vermirlər. Bu arada bəxtim gətirdi, yalnız mahnılarıma qadağa qoyuldu. Hə, mənim dovşanım”- Rusiya mediasının sosial şəbəkələrində müğənninin yazısından sitat gətirirlər.

Kirkorov Zelenski ilə eyni çəkilişdə necə çıxış etdiyini də xatırlayıb və posta “Böyük şəhərdə məhəbbət” filmindən kadrları əlavə edib.

Daha kimlərə sanksiya qoyulub?

Qeyd edək ki, Ukrayna prezidenti Vladimir Zelenskinin şənbə günü Rusiyanın hərbi təcavüzünü dəstəkləyən bir sıra mədəniyyət xadimlərinə qarşı şəxsi sanksiyaların tətbiqi barədə qərarı qüvvəyə minib.

Siyahıda Rusiyanın Ukraynaya təcavüzünü dəstəkləyən Rusiya və Ukrayna mədəniyyət xadimlərinin adı var. Ümumilikdə sanksiya siyahısında 119 nəfər var.

Onların arasında:

İrina Alleqrova,
Dima Bilan,
Aleksandr Buynov,
Valeri Didyulya ("DіDyuLya" qrupunun lideri),
Larisa Dolina,
İrina Dubtsova,
Polina Qaqarina,
Rodion Qazmanov,
Valeri Kipelov,
Filipp Kirkorov,
Qriqori Leps təxəllüsü ilə fəaliyyət göstərən Qriqori Lepsveridze,
Aleksandr Marşal,
Lolita Milyavskaya,
Aleksandr Panayotov,
Vladimir Presnyakov,
Stas Piekha,
Yuri Rastorquev,
Viktor Rıbin,
Yuliya Saviçeva,
Natalya Sençukova,
Pelagia
Mixail Şufutinski,
Vlad Topalov,
Anita Tsoi,
Lyubov Uspenskaya (Rusiya və ABŞ vətəndaşı),
Mixail Qalustyan,
Nikita Mixalkov,

Dmitri Dyuzhev və başqaları var.

Sanksiyalar 10 il müddətinə tətbiq edilib. Sanksiya kart hesablarının bloklanmasını, ticarət əməliyyatlarının məhdudlaşdırılmasını, kapitalın çıxarılmasının qadağan edilməsini, dövlət mükafatlarından məhrum edilməsini və s. nəzərdə tutur.

Xatırladaq ki, KİV-in məlumatına görə, Zelenski ötən il dekabrın 28-də imzaladığı fərmanla Ukrayna Pravoslav Kilsəsinin (Moskva Patriarxlığı) 13 keşişini də vətəndaşlıqdan məhrum edib. Onların arasında Ukrayna Təhlükəsizlik Xidmətinin dövlətə xəyanətdə şübhəli bildiyi Tulçinski və Bratslav mitropoliti Conatan da var.

Bundan əvvəl isə Ukrayna Ali Radası 2022-ci ildə Rusiyanın dünyanın ən çox sanksiyaya məruz qalan ölkəsi olduğunu açıqlamışdı. Ali Radanın antikorrupsiya siyasəti komitəsinin sədr müavini Yelena Moşenetsin sözlərinə görə, təcavüzkar ölkəyə qarşı sanksiyaları Avropa İttifaqı, Böyük Britaniya, ABŞ, Kanada, İsveçrə, Avstraliya və Yaponiya tətbiq edib.

Aynil