Yazıçıların 1000-dən çox əlyazmasını oğurladığını etiraf etdi

İtalyan Filippo Bernardini müxtəlif yazıçılardan saxta yolla əldə edilmiş 1000-dən çox nəşr olunmamış əlyazmanı oğurladığını etiraf edib.
 

Sfera.az “The Guardian”a istinadən bildirir ki, Nyu-York federal prokurorluğunun ittiham aktından sonra 30 yaşlı kişi fırıldaqçılıq üzrə ittihamı qəbul edib.
 

Ədəbi dairələrdə bu şəxs bir neçə ildir ki, tanınır. Lakin, yalnız 2022-ci ilin yanvarında FBİ Filippo Bernardini Nyu-Yorkun Con Kennedi hava limanında həbs edib.
 

Filippo Bernardini “Simon & Schuster”də işləyib və nağd pul qazanmaq üçün şirkətin daxili məlumatlar bazasından istifadə edib. O, bəzi simvolları dəyişdirərək, həqiqi nəşriyyatların domen adlarından istifadə edərək, saxta hesablardan yazıçılara e-poçt göndərib. İstintaqın məlumatına görə, həmin şəxs 160-dan çox belə e-poçt qutusu yaradıb.


Yazıçılar və onların nümayəndələri fırıldaqçıya inanaraq ona materialları elektron poçtla göndəriblər. Qurbanlar arasında Marqaret Atvud, İan Makyuan və Sally Runi kimi məşhur müəlliflər də var. 2019-cu ildə Marqaret Atvudun agenti Əhdi-Cədidlərin əlyazmasını əldə etmək cəhdi barədə məlumat verib. 2020-ci ildə “New York Times” bu fırıldaqçının "Normal İnsanlar" kitabının müəllifi Sally Runi, “Kəffarə”ni yazan İan Makkeven və aktyor Ethan Hoku hədəf aldığını bildirib. 2021-ci ildə Stieg Larssonun “Millenium” seriyasının isveçli redaktorlarına özünü italyan həmkarı kimi təqdim edən bir şəxs müraciət edib və tərcümə üçün materialın surətini istəyib.
 

Filippo Bernardininin hərəkətlərinin motivləri sirr olaraq qalır, çünki o, heç vaxt müəlliflərdən girov kimi pul tələb etməyib və oğurlanmış mətnlər ictimai obyektdə və ya internetin “qara bazar”ında yerləşdirilməyib. Filippo 88 min dollar təzminat ödəməyə razı olub, lakin ABŞ qanunlarına görə onu 20 ilə qədər həbs gözləyir. Manhettendə federal məhkəmə aprelin 5-də italyanın taleyinə qərar verməlidir.

Aynil