Brilyantlar, yaqutlar və qızıllar - İnsanlar nasistlərin qoyub getdiyi xəzinəni axtarmaq üçün bu kəndə axın edir
Hollandiyanın bir kəndini (Ommeren) "qızıl tələskənliyi” bürüyüb. Metal detektorları ilə silahlanmış xəzinə ovçuları II Dünya Müharibəsi zamanı nasistlərin gizlətdiyi güman edilən xəzinələri tapmağa çalışırlar.
Sfera.az “Reuters”ə istinafən bildirir ki, Hollandiya Milli Arxivinin 3 Yanvar tarixi xəritəni dərc etməsindən sonra xəzinə ovçuları daha da fəallaşıblar.
Xəritəni əks etdirən araşdırma faylı, məxfi qala biləcəyi maksimum 75 il müddəti bitdiyi üçün bu həftə yayımlanıb.
Xəritənin nasist əsgərlərinin 1944-cü ilin avqustunda bankın bombalanmasından sonra qarət etdikləri brilyant, yaqut, qızıl, gümüş və hər cür qiymətli daşlarla dolu dörd böyük sandığı harada gizlətdiklərini göstərdiyi güman edilir.
Bu məlumat insanların təxəyyülünü həyəcanlandırıb. Onlar metal detektorları və kürəkləri ilə silahlanıb Ommeren kəndinə bitişik olan tarlaları kəşf etməyə başlayıblar.
Qəsəbənin keçmiş meri, xəzinənin gizləndiyi güman edilən torpaq sahəsinə sahib olan bir fondu idarə edən Klaas Tammes, ölkənin hər yerindən insanların gəldiyini bildirib.
Nasistlərin qiymətli daşları və qızılları basdırdıqları iddia edilən yer xəritədə qırmızı xaçla işarələnib.
Xatırladaq ki, 2022-ci ilin sentyabrında Polşa sarayında SS adamlarının dəfinəsindən sikkələr tapılmışdı. Tədqiqatçılar hesab edirlər ki, Reyxsbankın 1942, 1944 və 1945-ci illərdə buraxdığı aşkar edilmiş altı svastika sikkəsi Üçüncü Reyxin zabitlərinin Polşanın Minkovska kəndində keşiyi gizlədə bildiyini təsdiqləyir.
Eyni zamanda Britaniyada evli bir cütlük mətbəx döşəməsinin altında ölkənin ən böyük xəzinəsini tapıb. Xəzinədə 264 sikkə var və onlar Stüart dövrünü əhatə edən 1610-cu ilə aiddir.
Aynil
