Moskvanın xəbərdarlığı havada qaldı: Qərbin Ukraynaya möhtəşəm KÖMƏK PLANI 

“Qərb Kiyevi dəstəkləmək üçün əlindən gələni etməlidir”.

Sfera.az bildirir ki, bunu  ABŞ Prezidenti Co Bayden kabinet iclasında deyib. O, Ukrayna müharibəsinin kritik nöqtədə olduğunu vurğulayıb.

"Biz ukraynalıların Rusiyanın təcavüzünə müqavimət göstərməsinə kömək etmək üçün əlimizdən gələni etməliyik. Çünki Rusiya yavaşlamağa çalışmır. Bir neçə saat əvvəl mən Almaniya kansleri Olaf Şoltsla Ukraynadakı vəziyyət və Qərbin “Avropadakı alyansları” çərçivəsində əməkdaşlıq barədə uzun müzakirə aparmışam. Biz nə edəcəyimizi danışdıq, bu gün birlikdə Ukraynaya dəstəyi genişləndirəcəyimizi bəyan etdik. Birləşmiş Ştatlar Ukraynaya Bradley piyada döyüş maşınları (IFV), almanlar isə Ukraynaya özlərində olan Marder IFV-ləri verəcək. Bundan əlavə, Ukraynanın Rusiyanın hava zərbələrindən müdafiə olunmasına kömək edəcəyik ", - Bayden bildirib.

Ağ Ev rəhbəri həmçinin qeyd edib ki, Almaniya Ukraynaya Patriot hava hücumundan müdafiə sistemlərinin əlavə akkumulyatorunu vermək niyyətindədir:

“Eyni zamanda Amerika sistemləri Ukraynada artıq öz effektivliyini nümayiş etdirib. Baxmayaraq ki, Ukraynanın xarici işlər naziri Dmitri Kuleba yanvarın 4-də Patriot sistemlərinin Kiyevə təhvil verilməsi üçün hazırlıqlara yenicə başlandığını bildirib. Onlar işləyirlər və ruslar Amerika sistemlərinin ukraynalılara çox kömək etdiklərini anlamağa başlayırlar" .

Qeyd edək ki, Moskva dəfələrlə Vaşinqtona bu cür silahların Ukraynaya ötürülməsi ilə bağlı xəbərdarlıq edib. Dekabrın 14-də Rusiya Federasiyası Prezidentinin mətbuat katibi Dmitri Peskov ““Patriot” Kiyevə çatdırılsa, Rusiya Silahlı Qüvvələrinin qanuni hədəfinə çevriləcək”, - deyə bildirib.

Günay Rəsulqızı