Yaxın həftələrdə erməni diasporu Laçın dəhlizində yaranmış vəziyyətlə bağlı kəskin fəallaşacaq.

Sfera.az xəbər verir ki, bunu jurnalistlərə hökumətin iclasından sonra Ermənistanın diasporla iş üzrə baş komissarı Zare Sinanyan deyib. O deyib ki, müxtəlif ölkələrdə erməni icmalarının resursları səfərbər edilib və diaspor gəncləri fəal işləyirlər.

Sinanyanın sözlərinə görə, ötən gün Los-Anceles meri Karen Bass ABŞ-ın Laçın dəhlizinin açılmasına daha fəal cəhd göstərməsi üçün səy göstərəcəyini bəyan edib.

Qeyd edək ki, artıq 26-cı gündür ki, Şuşa ərazisində Rusiya sülhməramlılarının nəzarətində olan yolun bir hissəsində azərbaycanlılar tərəfindən etiraz aksiyası keçirilir. Aksiya Qarabağ iqtisadi rayonunda ekoloji terrora son qoyulması tələbi ilə davam etdirilir.

Əzizə