2022-ci ildə Tesla 1.369.911 elektrik avtomobili istehsal edib.

Sfera.az bildirir ki, bu, Amerika avtomobil istehsalçısının daha bir nailiyyəti və yeni dünya rekordudur.

Belə ki, indiyə qədər heç vaxt bir şirkət ildə bir milyondan çox elektrik avtomobili istehsal etməyib.

2021-ci illə müqayisədə istehsalda bir anda 40% artım olub. 2022-ci ilin son rübü isə xüsusilə uğurlu olub, bu zaman rekord sayda; təqribən 439 701 avtomobil yığılıb.

Daha münasib qiymətə olan Tesla “Model 3” və “Model Y” mütləq lider olaraq qalır: ümumilikdə onlar 1 298 434 ədəd istehsal edilib. Eyni zamanda bahalı Tesla “Model S” və “Model X” 71 177 ədəd istehsal edib.

Qeyd edək ki, Tesla böyük elektrik miniven hazırlayır. İlk şəkillər və detallar artıq ictimaiyyətə təqdim edilib.

Almaniya və Texasdakı yeni montaj zavodları istehsalı artırmağa və uğur qazanmağa kömək edib. Onların hələ planlaşdırılan potensiala çatmadıqlarını nəzərə alsaq, 2023-cü ildə Tesla öz rekordunu yeniləyə bilər. Bundan əlavə, bu il Tesla Cybertruck pikapının istehsalına başlanacağı gözlənilir.

Aylin