2022-ci il "iPhone 14" və digər texnologiyaların təqdimatından sonra sosial media süni intellektin yüksəlişinə şahidlik etdiyi halda, bu il də bəzi klassiklərlə vidalaşma ili olaraq qeyd edildi. 

Sfera.az beynimizdə yalnız xatirə olaraq qalacaq texnologiyaların adını təqdim edir:

Yanvar ayında "Blackberry" şirkəti köhnə proqram təminatını, infrastrukturu və telefon əməliyyat sistemlərinin istifadə etdiyi xidmətləri sıradan çıxardı. 

2001-ci ildə təqdim edilən birinci nəsil "iPod Apple" musiqi dinləyiciləri üçün ən mühüm texnoloji alətlərindən biri idi. Lakin bu ilin may ayında "Apple" bazarda qalan son "iPod" olan "iPod touch"ın istehsalını dayandıracağını söylədi. 

25 ildən çox işlədikdən sonra "Internet Explorer"in fəaliyyəti də ötən ilin iyunun 15-də rəsmi olaraq dayandırıldı. 

"iPhone 12 mini" 2020-ci ildə istehsala buraxılıb. Lakin bu il iki nəsil sonra "Apple"  bu modeli yeni "iPhone 14 "Plus" ilə əvəz etməyi seçdi.

Əzizə Zeynal