Rusiyada “Arktika” neft tankerində yanğın baş verib.

Sfera.az bildirir ki, yanğın 10 kvadratmetr sahəsi olan iki kabinəni əhatə edib. Sosial şəbəkələrdə gəminin təmir üçün yanaldığı bildirilir.

Yanğını söndürmək üçün hadisə yerinə yanğınsöndürənlər cəlb edilib.

Qeyd edək ki, Rusiyada son zamanlar demək olar ki, hər gün irimiqyaslı yanğınlar baş verir.

Dekabrın 30-na keçən gecə Rostov-na-Donu şəhərinin mərkəzində dəmir yolu və avtovağzalların yaxınlığında tərk edilmiş ikimərtəbəli bina yanıb. Şahidlər qəsdən yandırma və hərbi əməliyyatlarla bağlı versiyaları istisna etməyiblər.

Dekabrın 23-də isə Moskvada hərbi hissənin ərazisində genişmiqyaslı yanğın baş verib. Yanğın sahəsi 200 kvadratmetrə yaxın olub. Yanğınsöndürənlər yanğının qaraj qutularını əhatə etdiyini bildiriblər.

Dekabrın 20-də Çuvaş Respublikasında qaz kəməri yanıb. Hadisə şahidlərinin sözlərinə görə, yanğın baş verən ərazidə temperatur o qədər yüksək olub ki, insanlar evlərə yaxınlaşa bilməyib.

Xanım