Ramzan Kadırov Rusiyanın LGBT və satanizmə qarşı mübarizə apardığını bildirib.

Çeçenistan lideri ərəblərə müraciət edərək, onları “Ukraynaya qeyri-ənənəvi dəyərlər sırımağa çalışanlarla” mübarizə aparmağa çağırıb. O, müharibəyə girmək istəyən hər kəsə kömək edəcəyini vəd edib.


Sfera.az bildirir ki, Çeçenistan lideri Ramzan Kadırov Rusiya televiziyasında LGBT bayrağı altında yaşamaq istəməyən hər kəsin Rusiyaya mübarizədə kömək etməli olduğunu bildirib. O, bu barədə Qroznı telekanalının efirində bildirib.

Kadırov ərəb ölkələrinin sakinlərinə müraciət edib. O, bəyan edib ki, dünyaya “qeyri-ənənəvi dəyərlərin” tətbiqinə qarşı olanların hamısı müharibəyə qoşulmalıdır. Kadırov iddia edir ki, Ukraynada müharibə “satanizm, nasizm və faşizmə” qarşıdır.

"Bu gün biz müsəlmanların dəyərlərini müdafiə edirik. LGBT bayrağı altında yaşamaq istəməyənlər ayağa qalxmalı və bunun öhdəsindən gəlməkdə bizə kömək etməlidirlər. Hər kəs olduğu yerdən belə bizə kömək edə bilər"- deyə Kadırov bildirib. O, həmçinin əlavə edib ki, Ukraynaya qarşı müharibəyə qoşulmaq istəyən hər kəsə kömək edəcəklər.

Qeyd edək ki, dekabrın 16-da media Putinin Kadırova Zelenskiyə sui-qəsd etmək və Kiyevdə hökuməti ələ keçirmək göstərişi verdiyini yazmışdı. Lakin bu plan Ukrayna Müdafiə Qüvvələri tərəfindən pozulub.

Aysel