Uzun müddətdir başda Bukinqem sarayı olmaqla, bir sıra kral ailələri qalmaqal və sensassiyalarla gündəmdəki yerlərini qoruyub saxlayır. Danimarka kral ailəsində də fikir ayrılığına baxmayaraq, kraliça Marqret oğulları Şahzadə Frederik və Şahzadə Yoahim ilə birlikdə yeni portretini paylaşıb.

Qeyd edək ki, bir müddət əvvəl kraliça kiçik oğlunun övladlarını "öz xeyirləri naminə" kral titullarından məhrum etdiyini açıqlamışdı. Bu da mehriban ailədə ixtilafların yaranmasına səbəb olub. Aylarla gündəm və manşetlərin mövzusu olub.

Sfera.az bildirir ki, Danimarka kral ailəsinin üzvləri ayrıldıqdan sonra hətta Milad bayramını ayrı keçirib. Taxtın varisi Şahzadə Frederik isə qardaşının bu qədər üzüldüyünü görəndə kədərləndiyini bildirib. Kraliça isə reaksiyasız qalıb. Yanvarın 1-dən İoahimin övladları şahzadə və şahzadə titullarını itirəcəklər, lakin taxt-taca varis olmaq üçün növbədə qalacaqlar.


Şahzadə Yoahim açıq şəkildə anasının qərarına qarşı çıxıb və bu qərara görə Yoahim ilə qardaşı Şahzadə Frederik arasında düşmənçilik olduğu haqqında da xəbərlər yayılıb.

Lakin saray kral ailəsinin iki fotoşəkilini, o cümlədən Frederik həyat yoldaşı Mari, Yoahim və Marinin kraliçanın ətrafında dayandığını paylaşıb.

Fotonun tarixi yoxdur, lakin bu yayın əvvəlində Kraliçanın yubileyi qeyd etmələri zamanı çəkildiyi güman edilir.

Yazıda deyilir: "İl ərzində Əlahəzrət Kraliçanın hakimiyyətinin 50-ci ildönümü ölkənin bir sıra bölgələrində tədbirlərlə qeyd olunub. Yubiley ilini başa çatdırmaq üçün Kraliça və Kral ailəsinin iki yeni qala-portreti dərc olunur. Portretlər fotoqraf Per Morten Abrahamsen tərəfindən Amalienborqdakı IX Kristian cəngavərlər sarayında çəkilib.

Yoahimin ABŞ-ın Vaşinqton şəhərində müdafiə sənayesində yeni işə düzəldiyi məlumdur, hal-hazırda isə şahzadə Parisdə işləyir. Belə olduğu halda, saray dairələrinin bu fotonu niyə indi paylaşması da çox maraq doğurub.

Aysel