Bu gün Kiyevdə Rusiya Silahlı Qüvvələrinin Ukrayna ərazisini atəşə tutması nəticəsində 21 fərdi yaşayış evi, xəstəxana, şəxsi əmlak və iki avtomobilə ziyan dəyib.

Sfera.az bildirir ki vu barədə polisi rəisi Andrey Nebitov özünün rəsmi Telegram kanalında məlumat verib.

Onun sözlərinə görə, bu gün təkcə Kiyevdə Rusiya raketlərinin vurulması ilə bağlı 8 fakt qeydə alınıb.

Eyni zamanda yerli sakinlərdən Rusiya hərbçilərinin kütləvi raket hücumu ilə bağlı 20-yə yaxın məlumat daxil olub.

Yerli sakinlər bölgə üzərindən 20 qanadlı raketin uçduğunu bildiriblər.

"Təəssüf ki, iki zərbə var, lakin hərbçilərin uğurlu işi sayəsində ölənlərin və yaralananların qarşısı alınıb"- deyə Nebitov yazıb.

Polis rəisi, həmçinin hava hücumundan müdafiə qüvvələrinə hava təhlükəsinə qarşı effektiv mübarizə aparmağa imkan verən operativ məlumatlara görə vətəndaşlara təşəkkür edib.

Xatırladaq ki, dekabrın 29-da hava hücumundan müdafiə qüvvələri Ukraynada atılan 69 raketdən 54-nü vurub. Hərbi komandanlıq Rusiya Silahlı Qüvvələrinin ölkənin enerji infrastrukturu obyektlərində S-300 hava hücumundan müdafiə sisteminə qarşı zenit raketləri ilə dəniz və havadan buraxılan qanadlı raketləri atdığını bildirib.

Ukrayna Prezident Aparatı Rusiya raketlərinin Kiyevdə yaşayış binasına düşməsinin nəticələrini göstərib. Nəticədə aralarında 14 yaşlı uşaq da olmaqla 3 nəfər xəsarət alıb. Onların hamısı xəstəxanaya yerləşdirilib.

Aysel