Putin Əliyev və Paşinyanla apardığı danışıqlar haqda: “Bütün məsələləri...”
Rusiya Prezidenti Vladimir Putin MDB-nin Sankt-Peterburqda keçirilən qeyri-rəsmi sammitində Azərbaycan Prezidenti İlham Əliyev və Ermənistanın baş naziri Nikol Paşinyanla danışığa nail olduğunu bildirib.
Sfera.az xəbər verir ki, Rusiya liderinin sözlərinə görə, əsas məsələlər bütövlükdə Cənubi Qafqazda vəziyyətin nizamlanması, Azərbaycan-Ermənistan münasibətləri, Dağlıq Qarabağla bağlı olub.
“Razılaşdığımız kimi, biz bütün bu məsələləri ətraflı müzakirə edirik”, - Rusiya lideri bildirib.
Bildirək ki, hazırda Putin və Paşinyanın ikitərəfli görüşü keçirilir.
Qeyd edək ki, dekabrın 26-27-də Sankt-Peterburqda MDB-yə üzv dövlətlərin qeyri-rəsmi sammiti keçirilir. Rusiya Federasiyası Prezidentinin mətbuat katibi Dmitri Peskov bir müddət əvvəl bildirmişdi ki, MDB sammiti çərçivəsində Rusiya, Azərbaycan və Ermənistan liderlərinin üçtərəfli görüşü planlaşdırılmır.
Əzizə