28 yaşlı İran əsilli amerikalı aktyor, model, fitnes məşqçisi və müğənni Britni Spirsin həyat yoldaşı Sem Əsgəri İnstaqram səhifəsində nadir hallarda həyat yoldaşı ilə fotolarını yerləşdirir. Son paylaşım dekabrın 2-də, sənətçinin ad günündə olub. İndi demək olar ki, bir aydan sonra o, Britni ilə şəkil və video paylaşaraq, bütün pərəstişkarlarının Milad bayramını təbrik edib.
 

Sfera.az bildirir ki, kadrda cütlük dağlarda üzbəüz oturub, birlikdə meditasiya edirlər. Müğənni hesabındakı paylaşımlarda çılğın rəqslərinin videolarını, çimərlikdə və ya vanna otağında çılpaq fotolarını yerləşdirməyə üstünlük verir. Özündən fərqli olaraq həyat yoldaşının səhifəsində isə daha qapalı görünür.
 

"Milad bayramında bir az gəzinti və bir az meditasiya ilə uzun bir yol. Həyat yoldaşım həqiqətən meditasiya fanatıdır və mən bunu sevirəm. Samta və Britneydən hamınıza Merry Britmas!"


Sem öz paylaşımı ilə sui-qəsd nəzəriyyəçilərinin Britninin artıq sağ olmaya biləcəyi ilə bağlı fərziyyələrini dəf edib və onun səhifəsini başqa bir şəxs idarə edir. Bu cür söz-söhbətlər sənətçinin eyni tipli foto və videoları paylaşmağa başlamasından sonra ortaya çıxıb. Üstəlik, paylaşımları adekvat adlandırmaq olmaz. Bir ara Britni mikro bikinidə sinəsini əlləri ilə örtərək vanna otağında poza verdiyi fotonu yayımlayıb.
 

Müğənni bir müddətdir ki, yeniyetmə oğullarına görə, həm də özünü islah etmək istədiyi üçün belə məzmundan çəkinib. Oğlanlar çox açıq və tez-tez aqressiv yazılarına görə anaları ilə ünsiyyət qurmaqdan utanırlar. Lakin bu o qədər də uzunmüddət çəkməyib, Britninin İnstaqramında yenidən mübahisəli və qalmaqallı paylaşımlar görünüb.
 

Xatırladaq ki, Britni Spirs sosial şəbəkədə artıq bir neçə dəfədir səhifəsini silir.

Aysel