Ukrayna kəşfiyyat rəhbərinin kabinetində tapılan xəritə müzakirələrə səbəb olub.

Sfera.az bildirir ki, Ukrayna Baş Kəşfiyyat İdarəsinin rəhbəri Kirill Budanov sözügedən xəritə ilə bağlı şərh verməkdən imtina edib. Belə ki, onun kabinetində Kursk, Belqorod vilayətləri və Kubanın Ukraynaya daxil olduğu xəritə var. Bu da öz növbəsində Ukraynanın ərazisinin genişləndirilməsi planları ilə bağlı söz-söhbətə səbəb olub.

Budanov bildirib ki, Ukrayna ordusu Krım ərazisinə daxil olmağı hədəfləyir: “Hər kəs görmək istədiyini görür. Ola bilsin ki, xəritədəki sadəcə geniş bir işarədir. Bəlkə də deyil”.

Onun bu şərhi isə Kursk, Belqorod vilayətləri və Kubanın Ukrayna hakimiyyətinin məqsədi olub-olmaması sualının cavabı kimi dəyərləndirilib.

Türkan