Əhalinin banklara borcu ARTDI - REKORD
Azərbaycanda fəaliyyət göstərən banklara əhalinin kredit borcu bu il rekord həcmdə artıb.
Sfera.az xəbər verir ki, əvvəlki illərdə bu qədər artım qeydə alınmamışdı.
2022-ci ilin əvvəlində əhalinin banklara borcu 8,32 milyard manat idi. Bu ilin 11 ayında borcun məbləği 29,43 faiz, yəni 2,449 milyard manat artaraq 10,769 milyard manatı ötüb.
Əhalinin borclarındakı artım daha çox istehlak kreditlərinə görə yaranıb. Əhali 11 ayda istehlak kreditlərinə görə olan borcunu 6,838 milyard manatdan 8,694 milyard manata qədər artırıb. Artımın məbləği 1,856 milyard manat, yəni 27,14 faiz olub.
Əhalinin biznes kreditlərinə görə yaranan borcu da artıb. Sahibkarlıq fəaliyyəti üçün alınan borclar 593 milyon manat və ya 40 faiz artaraq 2,076 milyard manata çatıb.
Vasif
