“Laçın dəhlizində baş verənlər...” - Rusiya xarici işlər nazirinin müavinindən açıqlama

Laçın dəhlizi ətrafında vəziyyətin gərginləşməsi Ermənistanla Azərbaycan arasında sülh müqaviləsi üzərində işi çətinləşdirir.

Sfera.az xəbər verir ki, bunu "TASS"a açıqlamasında Rusiya xarici işlər nazirinin müavini Mixail Qaluzin deyib.

Onun sözlərinə görə, əsas odur ki, Bakı və İrəvan regionda sabit və ədalətli sülhə təminat verəcək qarşılıqlı məqbul həllə nail ola bilsinlər. Qaluzin bildirib ki, Rusiya tərəfi oktyabrın 31-də Soçi sammitindən sonra Rusiya, Ermənistan və Azərbaycan liderlərinin üçtərəfli bəyanatına uyğun olaraq danışıqlar prosesinə yardım etməyə hazırdır.

"Şübhəsiz ki, Laçın dəhlizi ətrafında insidentlər danışıqların fonunu, o cümlədən sülh müqaviləsini çətinləşdirməyə bilməz. Rusiya tərəfi vəziyyətin yerində nizamlanması üçün ciddi səylər göstərir. Biz bütün məsələlər üzrə birgə işi bərpa etməyi səbirsizliklə gözləyirik. Rusiya ən qısa zamanda Azərbaycan-Ermənistan münasibətlərinin normallaşmasına nail olmağa çalışır", - deyə Qaluzin vurğulayıb.

Əzizə Zeynal