Türkiyə yeni pilotsuz uçan aparat təqdim etdi - FOTO
Türkiyədə TAI MIUS proqramı çərçivəsində yeni nəsil Anka-3 reaktiv pilotsuz uçan aparatının hazırlanmasına başlayıb.
Sfera.az bildirir ki, Türkiyənin vitse-prezidenti Fuat Oqtay müdafiə sənayesində yeni mərhələnin başlandığını açıqlayıb. “Anka 3” pilotsuz təyyarələr sahəsində yeni səhifə açmalıdır. Bu təyyarə sürətli, böyük yükə və gizli texnologiyalara sahib olacaq.
Oqtay: “Dünyada hərbi pilotsuz təyyarələr hazırlayan və istehsal edən 10 ölkə arasındayıq. 2023-cü il müdafiə sənayesində yeni bir mərhələ olacaq" -deyib.
Təyyarənin istehsalı Türk Aerokosmik Sənayesi tərəfindən həyata keçirilir. Pilotsuz təyyarə turbofan reaktiv mühərriklə təchiz ediləcək və maksimum uçuş çəkisi 7 ton olacaq. “Anka 3” hava hücumundan müdafiə sistemlərinə düşmən xəttinin arxasından hücum etmək tapşırıqlarını yerinə yetirə biləcək.
Qeyd edək ki, 2022-ci ilin 11 ayında Türkiyənin müdafiə sənayesi ixracı 3,8 milyard dollar təşkil edib. İkin hesablamalara əsasən ilin sonuna qədər bu rəqəm 4 milyard dolları keçməlidir.
Xanım
Fuad Oqtay onu da əlavə edib ki, Türkiyə 2023-cü ildə ilk olaraq “Xəndək”, “Karaok”, “Bozdoğan” və “Gökdoğan” uzun mənzilli hava hücumundan müdafiə sistemləri, ZAHA zirehli avtomobili və bir sıra digər texnikanın tədarükünü həyata keçirəcək.
Xatırladaq ki, yanvarın 28-də Türkiyənin Qazaxıstana Anka tipli PUA-ların bir partiyasını tədarük edəcəyi barədə məlumat yayılıb.
