Tətilə getdi, məscidi bağladı
13:14 / 30.09.2016
2027
Türkiyədə maraqlı hadisə baş verib. Sfera.az Türkiyə mediasına istinadən xəbər verir ki, Karabük vilayətinin Safranbolu qəsəbəsində məscid bağlanıb.
Buna səbəb həmin məscidin imamının (molla) məzuniyyətdə olması göstərilib. İmam məscidin qapısına belə bir elan asıb. "İllik mızuniyyətimi istifadə etdiyim üçün məscid ibadətə qapalıdır”.
Məscidin bağlı olmasınıKarabük valisi aşkara çıxardıb. Yanan tarixi binanı araşdırmaq üçün həmin bölgəyə gələn vali Mehmet Aktaş məscidin üzərindəki həmin elanı görüb.
Gördüklərinə əsəbləşən vali təcili olaraq imamın geri çağrılmasını tələb edib. Bundan başqa bölgənin müftisini çağırtdıraraq məscidin qapılarını ibadətə açdırıb.
Daha sonra məscidin imamı Cemil Başak barədə tədqiqat başladılıb.
