Şahzadə Diananın xaçı hərraca çıxarılacaq - FOTO
Şahzadə Diananın 1987-ci ildə xeyriyyə tədbiri zamanı taxdığı məşhur qotik xaç bir ay sonra “Sotheby's” tərəfindən hərraca çıxarılacaq.
Sfera.az bildirir ki, xaçın qiyməti 12.000 azn-dən başlayır.
Bəzək əşyası ametist, brilyant və qızıldan hazırlanmış "Attalla xaçı" adlanır və maraqlı odur ki, bu xaç Dianaya aid deyil.
O, kral ailəsi üçün çoxlu zinət əşyaları hazırlayan “Asprey və Garrard” zərgərlik şirkətinin keçmiş müdiri Naeem Attallaha məxsus idi. Bir vaxtlar brendin zərgərləri Diananın Şahzadə Çarlzla toyu üçün Spencer ailəsinin tacını və onun məşhur sapfir nişan üzüyünü yenidən düzəldiblər ki, bu da hazırda Keyt Middltona məxsusdur.
Naim və Diana dost idilər, buna görə də Naim tez-tez tədbirlər üçün Dianaya göz oxşayan bəzək əşyası verirdi.
Şahzadə Diana 1987-ci ildə himayədarı olduğu bir çox xeyriyyə təşkilatlarından biri olan “Garrard for Birthright Charity Ball”da Ketrin Uokerin Elizabeth libası ilə birlikdə xaç taxıb. Daha sonra media Diananın sıçrayış yaratdığını, pərəstişkarlarının isə bunu alqışladığını yazıb.
Xaç Dianadan başqa heç vaxt heç kim tərəfindən taxılmayıb və Naimin ölümündən sonra oğlu Ramzeyə məxsus olub. Ramzey xatirələrində deyirdi:
“Şahzadə Diana və atam dost idilər və xatırlayıram ki, Diana tez-tez atamı Regent küçəsindəki tarixi Garrard mağazasına görməyə gəlirdi. Diana onun ofisində bir neçə dəfə xaç götürüb. O, bu bəzək əşyasını çox bəyənmişdi”.
“Sotheby's” Christian Spoffort bu barədə danışarkən: "Mərhum Şahzadə Dianaya məxsus və ya onun taxdığı zinət əşyalarına bazarda çox nadir hallarda rast gəlinir, xüsusən Attallah Xaçı kimi parçalar. Biz əminik ki, bu, 1920-ci illərin zərgərlik məmulatlarının belə müstəsna mənşəyə malik unikal parçasıdır. Heç vaxt taxılmayan yalnız şahzadənin özü geyindiyi çoxlu sayda əşya alıcının diqqətini çəkəcək”-deyib.
Xatırladaq ki, ötən günlərdə Keyt Middlton ABŞ-a səfəri zamanı “Marie of Tek”ə məxsus olan və şahzadə Diananın çox sevərək taxdığ möhtəşəm choker boyunbağıda görünüb.
Xanım
