Hikmət Hacıyev: “Yolun blokada olunması ilə bağlı təbliğatı dayandırın!”
“Xankəndi yolu mülki və humanitar məqsədlər üçün açıqdır”.
Sfera.az xəbər verir ki, bu barədə Azərbaycan Respublikası Prezidentinin köməkçisi Hikmət Hacıyev bildirib.
Hikmət Hacıyev öz “Twitter” hesabında dinc etiraz aksiyası iştirakçılarının Xankəndi yolunu bağlamadıqlarına dair video paylaşıb.
Videodan da göründüyü kimi, ekofəallar kənara çəkilir və Beynəlxalq Qırmızı Xaç Komitəsinin maşınlarının rahatlıqla keçə bilməsi üçün şərait yaradırlar.
“İrəvana gedən təcili tibbi yardım maşınları Şuşa-Xankəndi yolunun kəsişməsindən keçirlər. Yeni doğulan oğlan uşağı və onun hər iki valideyni İrəvana aparılıb. Yol mülki və humanitar məqsədlər üçün açıqdır. Yolun blokada olunması ilə bağlı təbliğatı dayandırın!!!” - deyə H.Hacıyev paylaşımında qeyd edib.
