Peledən üzücü xəbər - xərçənglə mübarizə aparan Pelenin vəziyyəti pisləşdi
Braziliyalı əfsanəvi futbolçu Pelenin vəziyyəti pisləşib.
Sfera.az xəbər verir ki, bu barədə dekabrın 21-də Pelenin müalicə olunduğu San-Pauludakı Albert Eynşteyn klinikasının mətbuat xidməti məlumat yayıb.
Xərçənglə mübarizə aparan 82 yaşlı Edson Arantes do Nasimento (əsl adı Pele) noyabrın 29-da xəstəxanaya yerləşdirilib.
Həkimlərin sözlərinə görə, keçmiş futbolçu Milad bayramını klinikada keçirəcək.
Braziliyalı futbol ulduzu tibb müəssisəsinin mütəxəssislərinin gücləndirilmiş nəzarəti altındadır. Onun böyrək və ürək çatışmazlığı səbəbindən əlavə qayğıya ehtiyacı var.
Edson Arantes do Nascimento, düz bağırsağın xərçəngi üçün kimyaterapiyanın tənzimlənməsi və tənəffüs yoluxucu infeksiyanın müalicəsi üçün xəstəxanaya yerləşdirilib.
“Pele xərçəngdə mənfi tendensiya yaşayır və buna görə də böyrək və ürək disfunksiyasına görə daha çox intensiv müalicə tələb olunur "-deyə xəstəxananın mətbuat xidmətindən bildirilib.
Pelenin qızı Kelly Nascimento, həkimlər onun hazırkı vəziyyətini yaxşılaşdırmağa çalışdıqları üçün atasının Milad bayramını xəstəxanada keçirəcəyini təsdiqləyib.
Qeyd edək ki, keçən ilin sentyabrında Pelenin yoğun bağırsağındakı şiş çıxarılmışdı.
Dekabrın əvvəlində Pelenin kimyaterapiya kursunu dayandırdığı üçün palliativ müalicəyə köçürüldüyü barədə məlumat yayılmışdı. Bu, bağırsaq xərçəngindən əziyyət çəkən Pelenin orqanizminin artıq buna reaksiya verməməsi ilə bağlıdır.
Xatırladaq ki, iyun ayında futbol əfsanəsi Pele Vladimir Putinə açıq məktub yazıb. Pele Rusiya prezidentini ağrı, qorxu və nifrətdən başqa heç nə gətirməyən müharibəni dayandırmağa çağırıb.
Aynil
