“İl başa çatır, təəssüf ki, sülh sazişi yoxdur” – Erməni deputat

"Hesab edirəm ki, erməni diplomatiyasının görməli olduğu əsas iş Dağlıq Qarabağ probleminin hərtərəfli həllidir".

Sfera.az xəbər verir ki, bunu Ermənistanın “Vətəndaş sazişi” fraksiyasının deputatı, xarici əlaqələr daimi komissiyasının üzvü Sarqis Xandanyan deyib.

"Erməni diplomatiyası Dağlıq Qarabağ ermənilərinin hüquqları və təhlükəsizliyi təmin edilməsini istəyir. Bəli, ilin sonuna kimi sülh sazişinin bağlanmasının mümkün olacağına dair nikbinlik var idi və Rusiyanın bütün işi buna yönəlib, indi də davam edir. Lakin bu, birtərəfli ola bilməz, çünki proses bütün tərəflərin üzərinə götürdüyü öhdəliklərin yerinə yetirilməsini, həmçinin vasitəçilərin fəal iştirakını nəzərdə tutur.

İl başa çatır, təəssüf ki, sülh sazişi yoxdur. Amma biz bu istiqamətdə fəaliyyətimizi davam etdirəcəyik, çünki yalnız bundan sonra regionda sabitliyə nail olmaq olar. Vasitəçilərin diqqətini bütün vasitələrlə münaqişəyə yönəltmək lazımdır. Amma bu, indiki geosiyasi kontekstdə çox çətindir, lakin ən əsası məyus olmamaq, irəli getmək, qəbul edilmiş prinsiplərimizə sadiq qalmaq lazımdır", - S.Xandanyan qeyd edib.

Əzizə Zeynal