“Müstəqilliyini ilk olaraq çeçenlər elan edəcək” – Aleksey Danilov
“Rusiyanın daxildən məhv olması üçün bütün ilkin şərtlər var”.
Sfera.az bildirir ki, bunu Ukrayna Milli Təhlükəsizlik və Müdafiə Şurasının katibi Aleksey Danilov “Amerikanın Səsi” bloqunun efirində deyib.
Onun sözlərinə görə, müstəqilliyini elan edən ilk bölgə Çeçen İçkeriya Respublikası olacaq.
“Bu, Rusiya Federasiyasında hər hansı bir dəyişiklik baş verdikdən dərhal sonra reallaşacaq. Ardınca ölkə parçalanacaq. Çünki Rusiyanın daxilində bir çox proseslər gedir, lakin hələ görünmür. Ukrayna üçün Rusiya Federasiyasının defraqmentasiyasının baş tutması isə tamamilə məqbul ssenarilərdən biridir”, - deyə Danilov söyləyib.
Xatırladaq ki, bundan əvvəl Danilov yaxın üç ay ərzində Rusiya-Ukrayna münaqişəsinin bitəcəyini bəyan etmişdi.
Günay Rəsulqızı
